8.1.2.1. Formalización

Neste apartado indicarase:

• NIF DA ENTIDADE

  Consignarase o número de identificación fiscal (NIF) da entidade.

• CRITERIO DE IMPUTACIÓN TEMPORAL

  Indicarase o criterio de imputación temporal polo que opta o contribuínte consignando a clave que en cada caso corresponda das dous seguintes:

  • Clave 1: Imputación temporal no período impositivo seguinte á data en que se produza o peche do exercicio da entidade.

  • Clave 2: Imputación na mesma data en que se produza o peche do exercicio da entidade.

• IMPUTACIÓN DE BASES IMPOÑIBLES E DEDUCIÓNS

  Os contribuíntes imputarán a base impoñible positiva ou negativa obtida pola entidade, e as bases das deducións e bonificacións na proporción que resulte da escritura de constitución da entidade e, no seu defecto, por partes iguais.

  As deducións e bonificacións imputaranse conxuntamente coa base impoñible.

  As imputacións das deducións expresaranse en termos de bases de cálculo. Para os efectos de formalización da declaración, o importe da dedución deberá consignarse ademais nos recadros seguintes:

  • A dedución relativa a rendas obtidas en Ceuta ou Melilla no recadro  0727 do Anexo A.2 da declaración.

  • A dedución por dobre imposición internacional no recadro 0588 da páxina 17 da declaración.

  • As deducións por investimento empresarial e a dedución por creación de emprego no seu apartado correspondente do Anexo A.3 "Deducións por incentivos e estímulos ao investimento empresarial".

  • A dedución por rendementos de bens corporais producidos nas Canarias nos recadros 0558 e 0559 da páxina 16 da declaración.

• IMPUTACIÓN DE RETENCIÓNS E PAGAMENTOS A CONTA

  Neste apartado consignaranse as retencións e pagamentos a conta correspondentes á entidade na mesma proporción que corresponda á súa participación na mesma.