Exencións
Estarán exentas do Imposto as ganancias patrimoniais que se poñan de manifesto:
-
Con ocasión das doazóns que se efectúen ás entidades que orixinan dereito á dedución por donativos regulados no artigo 68.3 da Lei do Imposto.
-
Con ocasión da transmisión da súa vivenda habitual por maiores de sesenta e cinco anos ou por persoas en situación de dependencia severa ou de gran dependencia de conformidade coa Lei de promoción da autonomía persoal e atención ás persoas en situación de dependencia.
-
Con ocasión do pagamento da débeda tributaria mediante a entrega de bens integrantes do Patrimonio Histórico Español, previsto no artigo 97.3 da Lei do Imposto e das débedas tributarias a que se refire o artigo 73 da Lei 16/1985, do 25 de xuño, do Patrimonio Histórico Español.
-
Estarán exentas as ganancias patrimoniais que se poñan de manifesto con ocasión da transmisión desde o 7 de xullo de 2014 de accións ou participacións adquiridas polo contribuínte entre o 8 de xullo de 2011 e o 29 de setembro de 2013 de empresas de nova ou recente creación, sempre que se cumpran os requisitos e condicións establecidas na disposición adicional trixésimo cuarta da Lei do IRPF.
-
Rendas obtidas polo debedor en procedementos concursais, como consecuencia de quitacións e dacións en pagamento de débedas desde que a débeda non deriva do exercicio de actividades económicas.
-
Axudas públicas para compensar os custos nas edificacións afectadas pola liberación do dividendo dixital. (Disposición adicional quinta Lei IRPF)
-
Estará exenta a renda obtida pola devolución, como consecuencia de acordos celebrados con entidades financeiras, das cantidades previamente satisfeitas a estas últimas en aplicación de clausulas de limitación de tipos de xuro en préstamos. (Clausula solo)
-
Con ocasión, en determinados supostos, da dación en pagamento da vivenda habitual.
Decláranse exentas as ganancias patrimoniais:
-
Que deriven da transmisión da vivenda habitual do debedor, ou do garante do debedor.
-
Que a transmisión sexa por dación en pagamento ou en execución hipotecaria xudicial ou notarial.
-
Que sexa para a cancelación de débedas garantidas con hipoteca que recaia sobre a devandita vivenda habitual contraída cunha entidade de crédito ou outra entidade, que de maneira profesional, realice a actividade de concesión de préstamos ou créditos hipotecarios.
-
Cumprirá para que estea exenta a ganancia patrimonial, que o propietario da vivenda habitual non dispoña doutros bens ou dereitos en contía suficiente para satisfacer a totalidade da débeda e evitar o alleamento da vivenda.
-
A exención ten efectos desde o 1 de xaneiro de 2014 e exercicios anteriores non prescritos.
-
Exención parcial (disposición adicional trixésimo sétima Lei IRPF)
Estarán exentas nun 50 por cento as ganancias patrimoniais que se poñan de manifesto con ocasión da transmisión de inmobles urbanos adquiridos a título oneroso a partir do 12 de maio de 2012 e ata o 31 de decembro de 2012.