8.4.2.2. Mutualidades de previsión social

Indicaranse as cantidades satisfeitas a Mutualidades de Previsión Social nalgún dos seguintes supostos:

1. Profesionais non integrados na Seguridade Social (art. 51.2 a) 1ª Lei)

   As cantidades abonadas en virtude de contratos de seguro concertado con Mutualidades de Previsión Social por profesionais non integrados nalgún dos réximes da Seguridade Social, pola seus cónxuxes e familiares consanguíneos en primeiro grao, así como polos traballadores das citadas mutualidades na parte que teña por obxecto a cobertura das continxencias previstas no artigo 8.6 do Real decreto Lexislativo 1/2002, do 29 de novembro, polo que se aproba o texto refundido da Lei de Regulación dos Plans e Fondos de Pensións, sempre que non tivesen a consideración de gasto deducible para achar os rendementos netos de actividades económicas.

2. Profesionais e empresarios integrados na Seguridade Social (art. 51.2 a) 2ª Lei)

   As cantidades abonadas en virtude de contratos de seguro concertado con Mutualidades de Previsión Social por profesionais ou empresarios individuais integrados en calquera dos réximes da Seguridade Social, pola seus cónxuxes e familiares consanguíneos en primeiro grao, así como polos traballadores das citadas mutualidades na parte que teña por obxecto a cobertura das continxencias previstas no articulo8.6 do Real decreto Lexislativo 1/2002, do 29 de novembro, polo que se aproba o Texto Refundido da Lei de Regulación dos Plans e Fondos de Pensións.

3. Traballadores por conta allea (art. 51.2 a) 3 Lei)

   As cantidades abonadas en virtude de contratos de seguro concertado con Mutualidades de Previsión Social por traballadores por conta allea ou socios traballadores, incluídas as contribucións do promotor que lles fosen imputadas en concepto de rendementos do traballo, cando se efectúen de acordo co previsto na disposición adicional primeira do Real decreto Lexislativo 1/2002, do 29 de novembro, polo que se aproba o texto refundido da Lei de Regulación dos Plans e Fondos de Pensións, con inclusión do desemprego para os citados socios traballadores.

4. Mutualistas colexiados que sexan traballadores por conta allea (D.A. 9ª Lei)

   As cantidades abonadas en virtude de contratos de seguro, concertados coas mutualidades de previsión social que teñan establecidas os correspondentes Colexio Profesionais, polos mutualistas colexiados que sexan traballadores por conta allea, pola seus cónxuxes e familiares consanguíneos en primeiro grao, así como polos traballadores das citadas mutualidades desde que exista un acordo dos órganos correspondentes da Mutualidade que só permita cobrar as prestacións cando concorran as mesmas continxencias previstas no artigo 8.6 do Real decreto Lexislativo 1/2002, do 29 de novembro, polo que se aproba o texto refundido da Lei de Regulación dos Plans e Fondos de Pensións.

5. Deportistas profesionais e deportistas de alto nivel (D.A. 11.dous Lei)

   Con independencia do réxime especial que se comenta noutro apartado posterior, os deportistas profesionais e de alto nivel, aínda que finalizasen a súa vida laboral como deportistas profesionais ou perdesen a condición de deportistas de alto nivel, poderán realizar achegas á mutualidade de previsión social de deportistas profesionais.

   Tales achegas poderán ser obxecto de redución na base impoñible na parte que teña por obxecto a cobertura das continxencias previstas no artigo 8.6 do Real decreto Lexislativo 1/2002, do 29 de novembro, polo que se aproba o texto refundido da Lei de Regulación dos Plans e Fondos de Pensións.