8.4.2.6. Achegas anuais máximas e límite de redución

ACHEGAS ANUAIS MÁXIMAS CON DEREITO A REDUCIÓN (art. 51.6 Lei)

• Con carácter xeral.

  O conxunto das achegas anuais máximas que poden dar dereito a reducir a base impoñible, incluíndo, se é o caso, as que fosen imputadas polos promotores, non poderá exceder de 8.000 euros.

  Importante: Este límite aplicarase de forma conxunta ás achegas realizadas polos partícipes e ás imputadas aos mesmos polos promotores.

LÍMITE DE REDUCIÓN (art. 52 Lei)

Como límite máximo conxunto para as reducións anteriores, aplicarase: a menor das cantidades seguintes:

• Con carácter xeral:

  1. O 30 por 100 da suma dos rendementos netos do traballo e de actividades económicas percibidos individualmente no exercicio.

  2. 8.000 euros anuais.

     E, adicionalmente, 5.000 euros anuais para as primas a seguros colectivos de dependencia satisfeita pola empresa.

Importante: O conxunto das reducións practicadas por todas as persoas que satisfagan primas a seguros de dependencia  a favor dun mesmo contribuínte, incluídas as do propio contribuínte, non poderán exceder de 8.000 euros anuais.

SOLICITUDE DE REDUCIÓN NOS CINCO EXERCICIOS SEGUINTES (art. 52.2 Lei)

Os partícipes, mutualistas ou asegurados poderán solicitar que as cantidades achegadas, con inclusión se é o caso, das contribucións do promotor que lles fosen imputadas, que non puidesen ser obxecto de redución na base impoñible por insuficiencia da mesma ou por aplicación do límite porcentual, séxano nos cinco exercicios seguintes. Esta regra non será de aplicación ao exceso sobre os límites de achegas establecidas na lei (art.51.6 Lei).

A solicitude deberá realizarse na declaración do Imposto sobre a Renda das Persoas Físicas correspondente ao exercicio en que as achegas realizadas non puidesen ser obxecto de redución.