8.9.10.1. Formalización
Deberá indicar, obrigatoriamente, e en primeiro lugar, os datos identificativos do título de familia numerosa, o nº do título e a categoría da familia numerosa, as datas de efectos e a data, se é o caso, de caducidade do título. O número de ascendentes que formen parte da familia numerosa. Se esta está formada polos irmáns de pai e nai, o número de irmáns que pertencen a ela.
Cesión do dereito
Deberá indicar se cede o dereito da dedución que lle puidese corresponder a outro contribuínte que teña tamén dereito á mesma dedución. En caso afirmativo, deberá indicar o NIF do devandito contribuínte.
No caso en que outros contribuíntes lle cedan a vostede o dereito á percepción da totalidade da dedución, deberá indicar este extremo, cubrindo o NIF do cedente, en todo caso.
Tamén deberá indicar nos recadros correspondentes o importe da dedución que se cobrou de forma anticipada, incluíndo, se lle ceden o dereito á dedución, o importe cobrado tamén polos outros cedentes
Datos relativos aos pensionistas ou desempregados. Se estivese na situación de desempregado, ou é perceptor dalgunha pensión da Seguridade Social, Clases Pasivas ou de Mutualidades alternativas durante todo o exercicio deberá marcar só o recadro que corresponde a todos os meses do exercicio. No caso de que non fóra todo o ano, deberá marcar os meses en que se ten percepcións deste tipo. Deberá tamén indicar, en caso de cesión, se os cedentes, hai espazo para tres cedentes, cumpren tamén todos os meses de percepción, ou, en caso contrario, indicaro mes a mes.
Cotizacións á seguridade Social ou mutualidade. No caso que teña cotizacións durante todo o exercicio, incluídas as cotizacións dos cedentes, iguais ou superiores, en cada un dos meses, ao resultado de dividir 100 euros entre o número de persoas que vaian aplicar a dedución, ou, o devandito doutra forma, se a suma das cotizacións de todos os contribuíntes con dereito á dedución é igual ou superior a 100 euros, deberá indicarnos só este extremo no recadro correspondente. En caso distinto, deberá reflectir as cotizacións realizadas mensualmente. Deberá tamén indicar, en caso de cesión, os mesmos datos para o resto de cedentes. Hai espazo de ata para tres cedentes.
Tamén deberá reflectir, no caso de non estar obrigado a presentar declaración pero preséntase, se esta faise na modalidade de conxunta ou individual.
Finalmente, ao existir un incremento da dedución, a partir do 1 de agosto de 2018, ao ter un número de fillos que excede do número mínimo esixido para ser familia numerosa, xeral ou especial, deberá marcar o correspondente recadro.