9.1.1.3. Concepto de rehabilitación de vivenda
Aos efectos da dedución por adquisición de vivenda, considérase rehabilitación de vivenda as obras na mesma que cumpran calquera dos seguintes requisitos:
- Que fosen cualificadas ou declaradas como actuación protexida en materia de rehabilitación de vivendas nos termos previstos no Real decreto 2066/2008 do 12 de decembro de 2008 polo que se regula o Plan Estatal de Vivenda e Rehabilitación 2009-2012, para favorecer o acceso dos cidadáns á vivenda.
- Que teñan por obxecto a reconstrución da vivenda mediante a consolidación e o tratamento das estruturas, fachadas ou cubertas e outras análogas sempre que o custo global das operacións de rehabilitación exceda do 25 por 100 do prezo de adquisición se se efectuase esta durante os dous anos anteriores ao inicio das obras de rehabilitación ou, noutro caso, do valor de mercado que tivese a vivenda no momento do devandito inicio. Con esta finalidade, descontarase do prezo de adquisición ou do valor de mercado da vivenda a parte proporcional correspondente ao chan.