Publicadas no INFORMA 2022

Novidades publicadas no INFORMA durante o mes de xaneiro

Como consecuencia da nova redacción do artigo 9.4 do texto refundido da Lei IRNR dada pola Lei 11/2021, do 9 de xullo, de medidas de prevención e loita contra a fraude fiscal, para períodos que se inicien a partir do 1 de xaneiro de 2021, desaparece a responsabilidade solidaria dos representantes dos contribuíntes do IRNR que sexan residentes noutro Estado membro da Unión Europea ou do Espazo Económico Europeo que non sexa Estado membro da UE cando exista normativa sobre asistencia mutua en materias de intercambio de información cando actuen mediante establecemento permanente en España.

Con efectos desde o 11 de xullo de 2021, data de entrada en vigor da Lei 11/2021, do 9 de xullo, de medidas de prevención e loita contra a fraude fiscal, créase a figura de xurisdición non cooperativa cuxo contido é máis amplo que a anterior de paraísos fiscais á que substitúe e inclúe as anteriores figuras de países ou territorios cos que non exista efectivo intercambio de información ou de nula ou baixa tributación. As referencias normativas efectuadas ás figuras anteriores entenderanse efectuadas á actual definición de xurisdición non cooperativa.