Consolidación dominio por extinción de usufruto. Modelo 655

Documentación que hai que achegar

Documentación obrigatoria:

• Orixinal e copia simple do documento notarial en que se poña de manifesto a consolidación do dominio na persoa do primeiro ou sucesivo nó propietario.

• No seu defecto, o documento privado, por duplicado, en que se recolla a extinción do usufruto e a conseguinte consolidación do dominio, en que se deberán sinalar os datos identificativos do usufrutuario (nome, N.I.F, enderezo), orixinen do   título de constitución da núa propiedade, identificando o usufrutuario, data de constitución, data de extinción do usufruto e valor da consolidación, indicarase un domicilio a efecto de notificacións, e relacionaranse detalladamente os bens e dereitos obxecto da consolidación.

• Copia do Certificado de Defunción do usufrutuario, nos casos de extinción de usufrutos vitalicios.

• Deberase achegar copia do documento de identidade, pasaporte ou do certificado do Número de Identificación de Estranxeiros (NIE) do nó propietario.

• Orixinal ou Copia simple do documento notarial en que se poña de manifesto a segregación do dominio. Cando o suxeito pasivo que consolida o dominio non fose o primeiro nó propietario, senón o segundo ou posterior, cumprirá presentar o título de adquisición da núa propiedade polo seu titular actual.

• No seu defecto, documento privado, en que se poña de manifesto a segregación do dominio. Cando o suxeito pasivo que consolida o dominio non fose o primeiro nó propietario, senón o segundo ou posterior, cumprirá presentar o documento privado  de adquisición da núa propiedade polo seu titular actual.

• Representación  suxeita pasivos non residentes en territorio español  (contribuíntes por obriga real):

  Cando non sexan residentes noutro Estado membro da Unión Europea (UE ) ou en Estados que fosen parte do Espazo Económico Europeo (EEE) cos que exista normativa sobre asistencia mutua en materia de intercambio de información tributaria e de recadación, estarán obrigados a nomear unha persoa física ou xurídica con residencia en España para que lles represente ante a Administración Tributaria en relación coas súas obrigas por este imposto.

  Cando residan noutro Estado membro da  UE  ou do   EEE co que exista normativa sobre asistencia mutua en materia de intercambio de información tributaria e de recadación,  non teñen obriga de nomear representante  con residencia en España e actuarán ante a Administración Tributaria por medio das persoas que ostenten a súa representación de acordo coas normas xerais de representación legal e voluntaria, de xeito que se faciliten os trámites e xestións relacionadas co imposto.

  Para iso,  poden utilizar o  modelo de  representación nos procedementos iniciados a instancia dos  contribuíntes, que deberá ser achegado canda a Autoliquidación (Non fotocopia ). Pode encontrar o modelo na ligazón  Representación (procedementos iniciados polos contribuíntes)  que aparece á dereita, como  Contido relacionado.

  Na representación debe constar a expresa aceptación do representante e que a mesma faculta para actuar ante a Administración Tributaria en relación con todas as súas obrigas polo Imposto sobre Sucesións e Doazóns.

Advertencia

Se os documentos están expedidos por funcionarios ou autoridades estranxeiras, teñen que vir coa Apostila da Haia e tradución xurada.