Saltar ao contido principal

Transmisións, préstamos, fianzas...ou títulos nobiliarios (600)

Para declarar transmisións patrimoniais onerosas, préstamos, fianzas, arrendamentos, constitución de pensións, cando o suxeito pasivo sexa non residente, así como concesións administrativas e títulos nobiliarios

Saltar índice da información

Transmisións patrimoniais onerosas (TPO). (Agás vehículos usados)

A modalidade sobre Transmisións Patrimoniais Onerosas (TPO)  deberá autoliquidarse cando se realicen transmisións retribuídas e inter vivo de toda clase de bens e dereitos que integren o patrimonio das persoas físicas ou xurídicas, así como a constitución de dereitos reais, préstamos, fianzas, arrendamentos, pensións e concesións administrativas.

Este imposto non grava as operacións descritas cando a transmisión se realice por empresarios ou profesionais no exercicio da súa actividade empresarial ou profesional, xa que as mesmas están gravadas polo Imposto sobre o Valor Engadido (con excepción de determinadas operacións sobre bens inmobles que estarán suxeitas e exentas do IVE ).

A competencia corresponde ao Estado, ao non estar cedido ás Comunidades Autónomas, cando se dan as dúas seguintes condicións:

  • se polo acto ou documento non hai liquidación nin pola cota gradual de actos xurídicos documentados, documentos notariais, nin tampouco pola modalidade de operacións societarias, só para os seguintes feitos impoñibles:

    1. transmisión de bens mobles, semoventes ou créditos, así como a constitución e cesión de dereitos reais

    2. constitución de préstamos simples, fianzas e pensións

  • e o adquirente ou o suxeito pasivo, respectivamente, é Non Residente (agás para concesións no mar territorial ).

Polo tanto, deberán autoliquidar polo modelo 600 á   ONGT pola modalidade de Transmisións Patrimoniais Onerosas (TPO):

  • Os non residentes que adquiran a título oneroso un ben moble, semovente ou un crédito en España.

  • Os non residentes que adquiran dereitos reais sobre bens mobles, semoventes ou créditos en España.

  • Os non residentes que sexan o prestameiro, o acredor afianzado, arrendatario ou pensionista respectivamente dun préstamo, fianza, arrendamento ou pensión.

  • Os concesionarios pola parte da concesión que se encontre no mar territorial, con independencia da súa residencia. É dicir, as concesións que se encontren en mar territorial, deberán ser autoliquidadas co modelo 600 á ONGT por TPO, tanto cando o concesionario sexa residente como non residente.

As concesións en mar territorial son o único caso polo que un residente en España (coa excepción dos residentes en Ceuta e Melilla, os cales deben tramitar o modelo 600 de acordo coa ligazón "Información Ceuta e Melilla "en Contido relacionado) debe autoliquidar á ONGT por TPO.

En ningún caso debe autoliquidarse á ONGT arrendamentos de inmobles, pois a competencia é da Comunidade Autónoma onde radiquen tales inmobles.

A autoliquidación do Imposto realízase no Modelo 600 e ingrésase en entidade colaboradora, se a cota é “a ingresar”.

O prazo para pagar, se é o caso, e autoliquidar o imposto é de 30 días hábiles desde que se celebre o acto ou contrato.

O interesado debe autoliquidar o modelo 600 da Axencia Tributaria na Oficina Nacional de Xestión Tributaria (Paseo de la Castellana, nº 147, baixa C.P 28046 Madrid) para o que se recomenda reservar cita para evitar esperas, no Servizo Presentación e dilixenciado. Imposto sobre Sucesións e Doazóns, onde  ten que presentar o Modelo (exemplar para a Administración), unha vez pago en entidade colaboradora se o resultado é “a ingresar”, canda o documento (orixinal e fotocopia) en que conste ou relaciónese o acto ou contrato que orixine o tributo, devolvendoselle selado o documento orixinal.

En caso de exención o contribuínte acode á ONGT para obter o selado do mesmo. Para o cal tamén debe pedir cita.

O interesado pode autoliquidar o Modelo 600 ou Modelo 620 da Axencia Tributaria en calquera parte de España e remitir, unha vez pago en entidade colaboradora se o resultado é “a ingresar”, a través de calquera rexistro da Axencia Tributaria, o exemplar para a Administración canda o documento en que conste ou relaciónese o acto ou contrato que orixine o tributo (orixinal e fotocopia). Aínda que, de presentaro a través de rexistro non obterá o dilixenciado da autoliquidación, non sendo que compareza con posterioridade persoa con poder suficiente (con cita) na ONGT para a súa obtención.