Establecemento permanente e inmobles arrendados

En xeral, considérase que non  opera mediante establecemento permanente en España unha persoa non residente que dispón en territorio español de inmobles arrendados xa que, de acordo coa normativa fiscal española, o mero arrendamento de bens inmobles non é un dos supostos conceptuados como establecemento permanente.

Non obstante, existirá actividade económica realizada a través de establecemento permanente se se cumpre algunha das seguintes condicións:

1. Se se aluga o inmoble directamente polo propietario e presta os servizos adicionais ou complementarios propios de hostalaría tales como restaurante, limpeza, lavado de roupa e outros análogos. Estes servizos poderán prestarse de forma directa ou a través da subcontratación a terceiros.

   Non se consideran servizos adicionais ou complementarios: os servizos de limpeza do apartamento prestado á entrada e á saída do período contratado por cada arrendatario, os servizos de cambio de roupa no apartamento prestado á entrada e á saída do período contratado por cada arrendatario, os servizos de limpeza das zonas comúns do edificio (portal, escaleiras e ascensores) así como da urbanización en que está situado (zonas verdes, portas de acceso, beirarrúas e rúas) ou os servizos de asistencia técnica e mantemento para eventuais reparacións de fontanaría, electricidade, cristalaría, persianas, cerrallaría e electrodomésticos.

2. Que se dispoña en España para a ordenación da actividade de, polo menos, unha persoa empregada con contrato laboral e a xornada completa.