Retencións no IRNR sen establecemento permanente

Modelo 216

Este modelo deberá ser utilizado, entre outros nos  seguintes  supostos:

1. Para realizar o ingreso no Tesouro das cantidades retidas con excepción de:

   • Renda derivada da transmisión de bens inmobles situados en territorio español que se declararán no modelo 211.

   • Rendas derivadas de transmisións ou reembolsos de accións ou participacións representativas do capital de institucións de investimento colectivo, as cales se declaran a través do modelo 117.

   • Premios suxeitos ao gravame especial sobre premios de determinadas lotarías e apostas, cuxas retencións se ingresan mediante o modelo 230.

2. Algúns casos en que non procede practicar retención pero si existe obriga de presentar declaración negativa. A continuación detállanse algúns destes supostos:

   • Rendas exentas en virtude da normativa interna española coas seguintes excepcións (nestes supostos non hai obriga de presentar declaración negativa):

     • Rendas exentas de acordo co que se dispón na Lei IRPF.

     • Rendas derivadas de valores emitidos en España por entidades non residentes sen establecemento permanente cuxa titularidade corresponda a un non residente sen establecemento permanente.

     • Contas de non residentes sen establecemento permanente.

     • Intereses da Débeda do Estado e das Comunidades Autónomas en Anotacións, suxeitos a un procedemento especial de pagamento dos mesmos ou de devolución de retencións.

   • Rendas exentas en virtude da aplicación dun Convenio.

   • Rendas satisfeitas a contribuíntes polo Imposto sobre a Renda de non Residentes sen establecemento permanente cando se acredite o pagamento do imposto ou a procedencia da exención.