A Axencia Tributaria enviou esta semana á Fiscalía Anticorrupción información sobre 80 depósitos bancarios de Liechtenstein con 198 titulares e beneficiarios individuais con residencia en España, para a súa investigación pola posible comisión de delito fiscal.

22 de abril de 2008. A Axencia Tributaria enviou esta semana á Fiscalía Anticorrupción información sobre 80 depósitos bancarios de Liechtenstein con 198 titulares e beneficiarios individuais con residencia en España, para a súa investigación pola posible comisión de delito fiscal. Os depósitos corresponden a grupos familiares con varios titulares e beneficiarios diferentes.

A Axencia Tributaria culmina así a análise de información sobre cidadáns españois incluídos nas listas de contas e depósitos bancarios de Liechtenstein. A Axencia Tributaria confirma que se produciron regularizacións voluntarias extemporáneas polos mesmos motivos da investigación.

As administracións tributarias de España, Australia, Canadá, Francia, Italia, Nova Zelandia, Suecia, Reino Unido e os Estados Unidos, entre outros, traballan de maneira coordinada tras descubrirse contas e depósitos bancarios en Liechtenstein co propósito de evadir o pagamento de impostos.

Descubrimentos como este confirman as conclusións do Foro de Administración Tributaria da OCDE de establecer os estándares de transparencia e intercambio efectivo de información con respecto ás operacións realizadas con paraísos fiscais.