A información da Aduana permitiu a localización das importacións

29 de abril de 2008. A Axencia Tributaria desmente unha suposta falta de control tanto sobre as importacións de aceite de xirasol como sobre outros produtos que acceden ao mercado interior desde países de fóra da Unión Europea.

A Axencia Tributaria, a través do seu departamento de Aduanas, mantén todos os controis legais e paraliza todas as importacións que non acrediten os certificados correspondentes, incluídos os sanitarios. Tamén rexistra a importación dos produtos e permite a súa rastreabilidade, o cal permitiu que de forma inmediata, unha vez coñecida a alerta, puidésese enviar información de todas as importacións de aceite de xirasol, e o seu destino, para que actuasen os responsables sanitarios.

O sindicato Gestha, autor do comunicado que puña en dúbida a actuación aduaneira, parece descoñecer que o aceite de xirasol a granel para o seu refinamento non é apto para o consumo. Polo tanto, os controis sanitarios teñen que facerse cando xa foi refinado. No caso de requirir o certificado sanitario correspondente no seu paso por Aduanas e non tero, sería inmobilizado ata a súa consecución.

Gestha tamén parece descoñecer que a Axencia Tributaria, a través do seu departamento de Aduanas, cumpre con todos os controis que se lle esixen legalmente e colabora eficazmente coas administracións de Sanidade e Consumo a través, entre outros, dun sistema de alertas que demostrou a súa utilidade nesta ocasión.

Por último, a información facilitada por Gestha é incompleta e inexacta. A Axencia Tributaria utiliza, entre outras, técnicas de análise de riscos para a selección daquelas partidas que van ser sometida a control físico, sen que sexa esixible pola normativa comunitaria nos casos de importación o recoñecemento físico.

En todo caso, a Aduana está incrementando o número de controis físicos grazas ao uso de aparellos de inspección non intrusiva de mercadorías como o escáner, que está recomendado pola Organización Mundial de Aduanas como un mecanismo sinxelo para detectar introducións irregulares, e deste xeito evitar a aparición de prexuízos innecesarios aos operadores.