Está dispoñible na web da Axencia Tributaria (sede.agenciatributaria.gob.es)  o simulador da declaración do Imposto sobre a Renda das Persoas Físicas (IRPF) para o exercicio 2008. Con el, calquera contribuínte pode coñecer cal sería o resultado da Declaración de Renda que terá que presentar o próximo ano (referida ao exercicio fiscal 2008). Desta forma facilítase a adopción de decisións de relevancia fiscal antes de acabar o ano.

O simulador está dispoñible sen necesidade de sinatura electrónica na oficina virtual da páxina: sede.agenciatributaria.gob.es.

O contribuínte deberá incorporar os seus datos sobre rendementos do traballo, rendementos do capital mobiliario e inmobiliario, rendemento de actividades económicas, ganancias ou perdas patrimoniais, reducións e deducións, retencións e outros pagamentos a conta. O simulador calcula o resultado da hipotética declaración, que non ten ningunha validez xurídica. Trátase dun elemento de axuda para quen queira planificar ou coñecer con antelación cal podería ser a cota que hai que ingresar ou a devolver na súa declaración do Imposto sobre a Renda.