Máis de 35.000 familias cobraron en xaneiro os 2.500 euros por nacemento ou adopción

O importe dos pagamentos supera os 90 millóns de euros. As solicitudes poden presentarse por Internet, nas oficinas da Axencia Tributaria ou a través do teléfono 901 200 345. Preto de 200.000 familias recibiron os 2.500 euros desde que se iniciaron os pagamentos en novembro do ano pasado.

4 de febreiro de 2008. A Axencia Tributaria pagou en xaneiro de 2008 a 37.219 familias beneficiadas polos 2.500 euros por nacemento ou adopción, segundo o previsto pola Lei 35/2007 aprobada o pasado 6 de novembro. O importe total pago ás familias é de 92,8 millóns de euros. O tempo medio de espera para o cobramento é duns trinta días desde o momento da solicitude. Ata agora 196.736 familias recibiron os 2.500 euros desde que se iniciaron os pagamentos en novembro de 2007.

As novas solicitudes poden presentarse por Internet con sinatura electrónica a través da páxina sede.agenciatributaria.gob.es, nas oficinas da Axencia Tributaria e da Seguridade Social, ou a través do teléfono 901 200 345.