O engano fai referencia a un reembolso de impostos inexistente

A Axencia Tributaria detectou un importante envío de comunicacións por correo electrónico en que se utiliza fraudulentamente o seu nome e a súa imaxe, e que supostamente este remitido polo enderezo: aeat@restitucion.es.

No envío faise referencia a un reembolso de impostos inexistente en que o receptor do e-mail sae beneficiado. Para poder dispor do diñeiro hai que acceder a un enderezo web en que se deben achegar datos de contas bancarias.

A Axencia Tributaria tomou as medidas necesarias para perseguir este intento de fraude e lembra que a mellor medida é a prevención dos usuarios ante comunicacións sospeitosas que inclúan a petición de datos bancarios. A Axencia Tributaria nunca solicita información confidencial, nin números de conta, nin números de tarxeta dos contribuíntes, por correo electrónico.