O engano fai referencia a un suposto reembolso dun imposto e suplanta a imaxe da Axencia Tributaria.

A Axencia Tributaria detectou un envío de comunicacións por correo electrónico en que suplantando a súa identidade e imaxe coméntase que: “Despois dos cálculos anuais pasados da súa actividade fiscal determinamos que vostede é elixible para recibir un reembolso de impostos de 223,56 EUR”.

Posteriormente solicítase que se comuniquen datos supostamente non dispoñibles accedendo a unha ligazón que leva un enderezo en que se suplanta novamente a identidade e imaxe da Axencia Tributaria para que deixen no correo os números de tarxetas de crédito do contribuínte.

O envío destes correos fraudulentos, coñecidos como ‘phising’, foi detectado a media mañá de hoxe grazas á colaboración dos internautas que se puxeron en contacto cos servizos de información da Axencia Tributaria. Xa se tomaron as medidas necesarias para perseguir este intento de fraude e  impedir que os servidores vinculados á fraude poidan recibir os datos de contribuíntes.

A Axencia tributaria lembra que a mellor medida é a prevención dos usuarios ante comunicacións sospeitosas que inclúan a petición de datos bancarios e agradece préstaa colaboración para informar deste tipo de fraudes.

Por último, a Axencia Tributaria volve lembrar que nunca solicita por correo electrónico información confidencial, económica ou persoal, nin números de conta, nin números de tarxeta dos contribuíntes.