Cinco detidos

A Axencia Tributaria e a Garda Civil interceptaron durante a madrugada do día 21 de febreiro  un pesqueiro que transportaba arredor de 3.000 quilos de cocaína en mar aberto. O lugar do apresamento sitúase a máis de 1.000 millas de Galicia. Os cinco tripulantes do buque foron detidos na operación.

A operación, denominado ‘Marine’, iniciouse fai varios meses e permitiu  a detección da embarcación sospeitosa, o seu seguimento e a súa posterior abordaxe e detención da súa tripulación. Os detidos e a droga incautada foron transportada a Vigo baixo custodia da Axencia Tributaria e da Garda Civil a bordo do Buque de Operacións Especiais da Axencia Tributaria “Petrel”, arribando esta mañá ao porto de Vigo. Hoxe éstáse procedendo ao pesaxe definitivo da droga.

O pesqueiro que transportaba a droga tiña previsto o transbordo da mesma a unha lancha rápida á que debería tamén subministrar gasolina. Esta última foi detectada abandonando a ría de Arousa na mañá do día 21.

Ao frustrarse o transvasamento das substancias, a lancha fuxiu con enderezo ao Arquipélago de Madeira onde abandonaron esta embarcación. Neste momento, coa colaboración da Policía Judiciaria Portuguesa éstánse realizando esforzos para tratar de identificar e localizar os tripulantes.

A droga e os detidos foron postos a disposición do xulgado de instrución número 3 de Vigo.