Campaña de Renda 2014

• A Axencia Tributaria devolveu ata agora 1.711 millóns de euros, un 49% máis que o pasado ano, a 2.946.000 declarantes de IRPF
• O 69% do incremento nas declaracións concéntrase nas realizadas co programa PAI, que este ano se puideron presentar desde o primeiro día de campaña
• A asistencia en oficinas para a confección da declaración comeza hoxe e manterase ata o 30 de xuño, último día de campaña

11 de maio de 2015.- Máis de 4,6 millóns de contribuíntes presentaron a súa declaración do Imposto sobre a Renda das Persoas Físicas correspondente a 2014 (IRPF 2014) hoxe en día, cando a Axencia Tributaria inicia a atención en oficinas para os contribuíntes que requiran asistencia especializada. Desta forma, preto de 745.000 contribuíntes máis que o ano pasado adiantaron por Internet a presentación da súa declaración sen necesidade de esperar ao inicio da atención personalizada, un incremento directamente vinculado coa posibilidade, aberta por primeira vez este ano, de presentar desde o inicio da campaña declaracións confeccionadas co programa ‘PAI’ e outros servizos de axuda.

En paralelo a este adianto na presentación de declaracións (hoxe en día presentáronse un 19% máis de declaracións), éstáse producindo unha moi sensible aceleración nas devolucións. A utilización de Internet para a presentación xa permitiu obter a súa devolución a 2.946.000 contribuíntes, un 65% máis que o pasado ano, por un importe de 1.711 millóns de euros, un 49% máis. O notable incremento rexistrado nas presentacións acada igualmente a aquelas con resultado a ingresar, que aumentan un 34% con respecto ao ano pasado no mesmo período.

A Axencia Tributaria prevé que a presente campaña conte con 19.275.000 declaracións, das que máis dun 24 %xa se presentaron. 14.255.000 declaracións darán dereito a devolución, por un importe total de 10.550 millóns de euros, e 4.280.000 declaracións sairán con resultado a ingresar, por importe de 7.350 millóns de euros.

O servizo de atención con cita previa, que arrinca hoxe, manterase ata o 30 de xuño, último día da campaña, pero a vía de presentación por Internet (sede.agenciatributaria.gob.es ) segue a disposición dos contribuíntes que prefiran axilizar as súas xestións sen ter que desprazarse ata as oficinas da Axencia ou entidades colaboradoras.

Antes e máis fácil para máis contribuíntes

O forte adianto rexistrado ata agora na presentación de declaracións concéntrase nas presentacións co PAI e servizos equivalentes. Un 69% do incremento rexistrado na presentación de declaracións correspóndese con contribuíntes que utilizaron estes servizos de axuda. Así, mentres as presentacións de borradores de IRPF medran un 7%, as efectuadas co PAI increméntanse un 66%.

Xunto á posibilidade de presentar a declaración desde o inicio da campaña (dúas semanas antes que o ano pasado, cando as declaracións con PAI non se podían facer efectivas ata o 23 de abril), estes contribuíntes, que deciden non optar polo borrador, ou non poden facer uso do mesmo polo seu perfil de rendas, pódense beneficiar de novas melloras no programa de axuda.

Neste sentido, o PAI da presente campaña conta cun traslado automático de datos fiscais e persoais que resulta aplicable a todos os contribuíntes. A diferenza do que acontecía o ano pasado, cando determinados perfís de declarantes quedaban excluídos desta opción, agora só determinados datos deberán ser incorporados coa participación do contribuínte. Desta maneira ofrécese un produto para a presentación da Renda que conta coa versatilidade do tradicional programa de axuda e a sinxeleza do borrador de IRPF.

O PAI inclúe outras melloras que implican ofrecer máis información ao contribuínte para a confección da súa declaración. Entre elas, destaca a inclusión de avisos ao finalizar o proceso de descarga de datos fiscais para facilitar que os contribuíntes poidan exercer o seu dereito a reducir a súa carga fiscal compensando saldos negativos con rendas positivas xeradas en 2014.

Comeza o servizo de cita previa

Tanto a confirmación do borrador de Renda por Internet, como a presentación telemática da declaración a partir do programa PAI ou equivalentes, acelera a devolución e evita o contribuínte os desprazamentos ás plataformas habilitadas pola Axencia Tributaria e as entidades colaboradoras.

En todo caso, para unha asistencia máis personalizada, a Axencia Tributaria pon a disposición do contribuínte as súas oficinas e servizos telefónicos. Ata agora se concertaron máis de 860.000 citas previas para a confección de declaracións de Renda e atendéronse 1,3 millóns de chamadas telefónicas a través dos diferentes servizos que ofrece a Axencia.

Como outros anos, e a pesar da crecente utilización de Internet como vía para axilizar os trámites da Renda, nas primeiras semanas de campaña pódese producir unha alta demanda no servizo de solicitude de cita previa. Cabe lembrar que o calendario de citas previo se vai abrindo progresivamente, de maneira que se recomenda aos contribuíntes unha utilización paulatina do servizo.

Pola súa parte, e  co obxecto de mitigar na medida do posible unha eventual perda de citas en prexuízo do conxunto dos contribuíntes, a Axencia Tributaria quere lembrar os cidadáns que poden modificar a hora e día asignado para a súa cita, ou comunicar, se é o caso á propia Axencia, que decidiron non facer uso da mesma. Noutras campañas, en máis do 25 %das citas concedidas con máis dunha semana de antelación o contribuínte finalmente non se presenta.

Quen non están obrigados a declarar

Mánténse a mesma regulación que o ano anterior no referente aos obrigados a presentar a declaración do IRPF. En termos xerais, non están obrigados os contribuíntes con rendas exclusivamente procedentes do traballo ata un importe de 22.000 euros anuais.

O límite anterior redúcese a 11.200 euros se os rendementos proceden de máis dun pagador (agás excepcións), e tamén cando se perciban pensións compensatorias do cónxuxe ou anualidades por alimentos non exentas, cando o pagador non está obrigado a reter e cando os rendementos están suxeitos a un tipo fixo de retención.

Ambos os dous límites seguen sendo válidos para non declarar se o contribuínte conta, no seu lugar, ou ademais, cos seguintes rendementos:

Dividendos, intereses e plusvalías sometidas a retención cun  tope conxunto de 1.600 euros.

Rendas inmobiliarias imputadas, rendementos íntegros do capital mobiliario non suxeitos a retención derivada de letras do Tesouro e subvencións para a adquisición de vivendas de protección oficial ou de prezo taxado, co límite conxunto de 1.000 euros.

Igual que o ano anterior, tampouco estarán obrigados os contribuíntes que conten con rendementos do traballo, capital e actividades económicas, así como ganancias patrimoniais (subvencións, premios e outras), co límite conxunto de 1.000 euros, canda perdas patrimoniais inferiores a 500 euros.

Quen poden utilizar o borrador de Renda

Na campaña de IRPF 2014 mánténse o perfil ampliado de usuario do borrador de Renda que se introduciu na campaña anterior. Así, ademais dos contribuíntes que conten con rendementos do traballo, rendementos do capital mobiliario con retención ou ingreso a conta e ganancias patrimoniais sometidas a retención ou ingreso a conta, poderán utilizar o borrador aqueles que conten con perdas derivadas de fondos de investimento, sexan perceptores de subvencións non destinadas a actividades económicas, teñan ata oito inmobles non arrendados, sexan titulares de valores públicos amortizados con rendemento cero ou percibisen rendementos do capital mobiliario e inmobiliario procedente de entidades en atribución de rendas.

A dedución por adquisición de vivenda habitual con préstamo hipotecario, a redución por achegas a plans de pensións e a dedución por donativos non exclúen do perfil de usuario do borrador.

Todos estes contribuíntes, non sendo que estean obrigados a presentar a declaración por ter unha actividade profesional, empresarial, agrícola ou gandeira, arrendamentos ou ganancias patrimoniais sen retención, poderán utilizar o borrador da declaración.

Como obter ‘Clave PIN’ e o número de referencia (REN0)?

A obtención de Clave PIN require dous pasos, un rexistro previo único e unha solicitude posterior con vixencia dun día natural. O rexistro previo poderase efectuar por dúas vías:

Presencialmente nas oficinas da Axencia Tributaria achegando o DNI, un correo electrónico e un número de teléfono móbil, sen necesidade de cita previa nin documentación algunha, agás a exhibición do propio documento de identificación.

A través de Internet, seguindo as instrucións da carta que a Axencia remitirá a quen solicítena a través da opción ofrecida na icona da páxina web da AEAT ‘Clave PIN’. Neste caso, ademais do DNI e o número de móbil, o contribuínte debe achegar os díxitos do IBAN dunha conta bancaria de que sexa titular como información de contraste.

Unha vez rexistrado no sistema, cando o contribuínte desexe realizar algún trámite, desde a ligazón dispoñible no propio trámite ou a través da icona ‘Clave PIN’ poderá solicitaro. Para iso deberá consignar o NIF, a data de caducidade do DNI e un contrasinal de catro caracteres á súa elección que definirá o contribuínte para cada solicitude. A continuación, recibirá por SMS un PIN de tres díxitos que, canda o contrasinal, constitúen o código de acceso que poderá utilizar durante ese mesmo día natural.

Para a utilización do servizo REN0 solicitarase o NIF e primeiro apelido do contribuínte, o recadro 415 da Renda 2013 e un número de móbil ao que se enviará unha SMS co número de referencia. Aos non declarantes no exercicio anterior e aos novos declarantes, en lugar do recadro 415 se lles solicitará o código dunha conta bancaria de que sexa titular o contribuínte.

Modificación e confirmación do borrador de Renda

Sempre resulta conveniente revisar o borrador de Renda, xa que no momento da súa confección a Axencia podería non dispor de todos os datos con transcendencia na declaración, datos que talvez o contribuínte deba incorporar ao borrador.

Algúns casos típicos que aconsellan esta revisión son os seguintes:

• Inmobles e as súas referencias catastrais
• Circunstancias persoais e familiares (se cambiaron en 2014)
• Achegas a plans de pensións
• Achegas de cotas sindicais
• Percepcións por subvencións
• Dedución por maternidade
• Dedución por investimento en vivenda habitual
• Dedución por alugamento de vivenda habitual
• Deducións autonómicas

Existen varias vías para confirmar o borrador, segundo sexa o resultado que hai que devolver ou a ingresar, e se se domicilia ou non o pagamento. Domiciliar o pagamento significa que se pode presentar a declaración da Renda ou confirmar o borrador calquera día, ata o 25 de xuño, pero o pagamento non se fará efectivo ata o 30 de xuño, último día da campaña de Renda. A domiciliación non impide fraccionar o pagamento en dous prazos (o segundo, o  5 de novembro).

Vías non presenciais (sen desprazamento a oficinas), ata o 30 de xuño (25 de xuño se se trata de pagamentos con domiciliación):

VÍAS DE CONFIRMACIÓN	Casos en que se pode utilizar esta vía
Por Internet sede.agenciatributaria.gob.es	TODOS
Por teléfono (VRU), servizo automático 901 12 12 24 (as 24 horas)	A devolver
Por SMS, ao 638444147 Renda (espazo) número de xustificante de borrador (espazo) NIF (Se é declaración conxunta engádese un (espazo) NIF do cónxuxe	A devolver
Por teléfono (operador) 901 200 345 (L-V, de 9 a 21 horas)	A devolver e ingresar (domiciliando o pagamento)
Por banca electrónica e telefónica	A devolver e ingresar (sen domiciliar)
En caixeiros  automáticos de certas entidades	A devolver e ingresar (sen domiciliar)

Vías presenciais, ata o 30 de xuño (25 de xuño se se domicilia o pagamento, con cargo o 30 de xuño):

VÍAS DE CONFIRMACIÓN	Casos en que se pode utilizar esta vía
Nas oficinas das entidades financeiras colaboradoras	A devolver e ingresar (sen domiciliar)
Nas oficinas da AEAT ou CCAA	A devolver e ingresar (domiciliando o pagamento)

Principais servizos de asistencia e información

• Internet: sede.agenciatributaria.gob.es

  (ofrece información e xestións sen horarios).

• Teléfono Asistencia: 901 200 345

  (para xestionar o borrador; de 9 a 21 horas, de luns a venres).

• Teléfono Renda Información: 901 33 55 33.

  (para resolver dúbidas; de 9 a 19 horas, de luns a venres).

IRPF 2014 (Datos a 11 de maio)

Notas:

(5) e (6) A suma das declaracións a ingresar e as devolucións non coincide coas declaracións presentadas porque faltan por incluír as declaracións negativas e as declaracións con renuncia á devolución, que suman 106.863.

Campaña por delegacións

 

 

DELEGACIÓNS	Dev. pago IRPF 2013		Dev. pago IRPF 2014		Var. 2014/2013 (%)
	Número	Importe	Número	Importe	Número	Importe
ALMERÍA	30.769	15,524	50.643	22,923	64,59%	47,66%
CÁDIZ	55.238	41,410	79.352	51,990	43,65%	25,55%
CÓRDOBA	29.342	17,144	46.970	24,671	60,08%	43,90%
GRANADA	32.582	20,621	52.695	29,360	61,73%	42,38%
HUELVA	26.357	15,005	41.759	20,259	58,44%	35,01%
XAÉN	20.769	11,326	35.920	17,721	72,95%	56,47%
MÁLAGA	58.654	39,440	92.036	54,590	56,91%	38,41%
SEVILLA	89.911	57,804	141.108	82,159	56,94%	42,13%
XEREZ	15.958	10,324	24.681	14,360	54,66%	39,09%
CEUTA	2.690	1,767	5.303	3,430	97,14%	94,15%
MELILLA	2.286	1,534	4.873	3,114	113,17%	103,01%
ANDALUCÍA	364.556	231,899	575.340	324,578	57,82%	39,97%
HUESCA	7.132	3,961	11.532	5,864	61,69%	48,04%
TERUEL	3.798	2,027	6.281	3,011	65,38%	48,57%
ZARAGOZA	44.843	28,012	70.671	39,960	57,60%	42,66%
ARAGÓN	55.773	34,000	88.484	48,836	58,65%	43,64%
OVIEDO	35.848	26,134	55.440	35,852	54,65%	37,18%
GIJON	17.118	11,507	26.539	16,324	55,04%	41,87%
ASTURIAS	52.966	37,641	81.979	52,176	54,78%	38,61%
ILLAS BALEARES	31.467	18,650	53.294	29,641	69,36%	58,93%
ILLAS BALEARES	31.467	18,650	53.294	29,641	69,36%	58,93%
AS PALMAS	43.518	25,331	75.006	42,371	72,36%	67,27%
STA CRUZ DE TENERIFE	38.971	22,996	62.412	34,262	60,15%	48,99%
CANARIAS	82.489	48,327	137.418	76,633	66,59%	58,57%
CANTABRIA	24.529	16,332	40.684	24,991	65,86%	53,01%
CANTABRIA	24.529	16,332	40.684	24,991	65,86%	53,01%
ALBACETE	12.206	7,376	23.242	12,829	90,41%	73,92%
CIDADE REAL	18.731	11,780	32.787	18,643	75,04%	58,25%
CUENCA	5.139	3,045	9.360	4,769	82,14%	56,63%
GUADALAXARA	12.914	9,176	22.359	14,414	73,14%	57,08%
TOLEDO	27.387	17,581	46.075	27,446	68,24%	56,11%
C.-A MANCHA	76.377	48,958	133.823	78,101	75,21%	59,53%
ÁVILA	5.815	3,298	9.464	4,704	62,75%	42,64%
BURGOS	14.732	9,428	24.553	14,581	66,66%	54,66%
LEÓN	19.956	11,858	32.980	18,546	65,26%	56,40%
PALENCIA	6.888	3,909	11.225	6,109	62,96%	56,26%
SALAMANCA	14.852	8,529	22.996	11,987	54,83%	40,55%
SEGOVIA	5.302	3,159	8.989	4,738	69,54%	49,99%
SORIA	3.336	1,749	5.685	2,780	70,41%	58,95%
VALLADOLID	27.725	18,335	43.994	26,206	58,68%	42,93%
ZAMORA	5.756	3,067	9.115	4,509	58,36%	47,04%
C. Y LEON	104.362	63,332	169.001	94,161	61,94%	48,68%
BARCELONA	226.272	156,779	378.546	233,028	67,30%	48,63%
XIRONA	20.704	12,513	35.762	19,911	72,73%	59,12%
LLEIDA	12.066	6,730	21.692	11,019	79,78%	63,72%
TARRAGONA	27.540	18,041	46.733	27,189	69,69%	50,70%
CATALUÑA	286.582	194,064	482.733	291,146	68,44%	50,03%
BADAXOZ	25.182	12,989	38.649	17,792	53,48%	36,98%
CÁCERES	14.640	7,348	23.858	10,824	62,96%	47,31%
ESTREMADURA	39.822	20,337	62.507	28,616	56,97%	40,71%
A CORUÑA	39.494	23,812	66.823	35,613	69,20%	49,56%
LUGO	9.029	4,325	15.922	7,003	76,34%	61,90%
OURENSE	8.377	4,060	14.922	6,501	78,13%	60,11%
PONTEVEDRA	16.017	9,002	27.080	13,481	69,07%	49,75%
VIGO	14.000	8,770	24.158	13,474	72,56%	53,63%
GALICIA	86.917	49,970	148.905	76,071	71,32%	52,23%
MADRID	334.704	241,542	573.080	377,993	71,22%	56,49%
MADRID	334.704	241,542	573.080	377,993	71,22%	56,49%
MURCIA	45.687	26,234	75.117	38,133	64,42%	45,36%
CARTAXENA	19.270	12,056	29.448	16,457	52,82%	36,50%
MURCIA	64.957	38,290	104.565	54,590	60,98%	42,57%
NAVARRA	55	0,032	129	0,051	134,55%	59,96%
NAVARRA	55	0,032	129	0,051	134,55%	59,96%
ARABA	44	0,020	89	0,028	102,27%	38,17%
GUIPÚSCOA	33	0,014	82	0,038	148,48%	160,68%
BISCAIA	86	0,034	187	0,081	117,44%	141,78%
PAÍS VASCO	163	0,068	358	0,147	119,63%	115,20%
A RIOXA	10.733	6,448	18.525	10,196	72,60%	58,13%
A RIOXA	10.733	6,448	18.525	10,196	72,60%	58,13%
ALACANTE	56.813	31,369	89.759	45,800	57,99%	46,00%
CASTELLÓ	19.449	10,557	32.016	16,114	64,62%	52,64%
VALENCIA	94.180	54,461	153.532	81,246	63,02%	49,18%
C. VALENCIANA	170.442	96,387	275.307	143,160	61,53%	48,53%
TOTAL NACIONAL	1.786.894	1.146,277	2.946.132	1.711,086	64,87%	49,27%

Importes en millóns de euros.