Operación conxunta da Axencia Tributaria, Policía Nacional e Garda Civil

• Foron detidas sete persoas como presuntos autores de contrabando, contra a propiedade industrial e contra a Facenda Pública
• Na localidade malagueña de Sedella dispuñan dunhas instalacións que servían para a fabricación dos cigarros, mentres que no municipio cordobés de Aguilar de la Frontera contaban cunha nave industrial en que almacenaban o produto
• No interior dunha furgoneta localizouse un total de 54.500 paquetes de tabaco dunha coñecida marca, mentres que nun dos seus ‘coches piloto’ achouse un dispositivo inhibidor de frecuencias de gran potencia, o que evidenció o emprego de medios técnicos sofisticados para dificultar a investigación policial

20 de xaneiro de 2020.- A Axencia Tributaria, a Policía Nacional e a Garda Civil, nunha operación conxunta, han desarticulado un grupo criminal especializado na fabricación clandestina de cigarros e na súa posterior distribución por España e por outros países da Unión Europea. Sete persoas procedentes de Ucraína, Letonia e Rusia foron detidas como presuntos autores de delitos de contrabando, contra a propiedade industrial e contra a Facenda Pública.

As investigacións comezaron en marzo de 2019, cando a Policía Nacional recibiu unha información que alertaba sobre a chegada a España dun individuo de nacionalidade rusa que tiña como obxectivo traballar nunha fábrica clandestina de tabaco da provincia de Málaga. A raíz desta información, a Policía Nacional e Vixilancia Aduaneira da Axencia Tributaria iniciaron unha investigación conxunta dirixida a seguir os movementos desta persoa polas distintas poboacións polas que se desprazou, nas que fixo contactos con outras persoas da súa mesma nacionalidade. Ademais, adoptaba altas medidas de seguridade para dificultar as posibles vixilancias policiais que se puidesen realizar sobre eles.

A información obtida neste proceso, e a achegada tras o seguimento doutro individuo de nacionalidade rusa chegado a España no mes de outubro, fixeron que a investigación se centrase na provincia de Málaga, incorporandose nestes momentos axentes da Garda Civil e localizandose unha vivenda situada nunha zona de difícil acceso da serra da Axarquía pertencente ao municipio malagueño de Sedella.

Usaban vehículos de alugamento para dificultar unha posible investigación policial

As vixilancias sobre este inmoble permitiron detectar a seis individuos que entraban e saían tanto da vivenda coma da nave contigua, así como outros que accedían ao predio en coches e furgonetas. Estes vehículos eran, nalgunhas ocasións, de alugamento para dificultar unha posible investigación policial sobre eles. Co seguimento destas persoas conseguiuse localizar unha segunda nave industrial na localidade de Aguilar de la Frontera, na provincia de Córdoba.

Unha vez corroborada a actividade ilícita, planificouse un dispositivo coordinado polos tres organismos para proceder á detención dos membros do grupo criminal. Os axentes detectaron a entrada de dous vehículos e unha furgoneta no predio de Sedella, onde permaneceron durante unha hora. Tras abandonara, foron seguidos e interceptados polos investigadores que comprobaron como trasladaban un total de 54.500 paquetes de tabaco dunha coñecida marca.

Tras este achado, realizáronse dúas inspeccións máis nas naves industriais mencionadas, así como unha entrada e rexistro nunha vivenda. Todo isto permitiu a detención das sete persoas que configuraban o grupo. Ademais da marca intervida, no rexistro da vivenda encontráronse evidencias de que tamén dispuñan de material para fabricar cigarros dunha segunda marca, tamén moi coñecida.

Nun dos vehículos que facía de ‘coche piloto’ da furgoneta achouse un dispositivo inhibidor de frecuencias de gran potencia, o que evidenció, unha vez máis, o emprego de medios técnicos sofisticados para dificultar a investigación policial.

Sistemas de insonorización para evitar ser descubertos

A nave do termo municipal de Aguilar de la Frontera estaba destinada para almacén e nela acháronse mostras de cartonaxe da mesma marca de tabaco intervido na furgoneta. A nave do termo municipal de Sedella estaba destinada á fábrica e no seu interior achouse material suficiente para o proceso total de fabricación de cigarros a partir de picadura en granel. Ademais, apreciáronse sistemas de insonorización que evitaban que o ruído das máquinas, dos extractores e dos xeradores de corrente fosen detectados no exterior.

A investigación dirimiu que o produto final era distribuído en furgonetas principalmente por Andalucía. Algúns vehículos estaban unicamente destinados a realizar o transporte da nave empregada como fábrica á que facía de almacén.

Como resultado da operación policial, detivose tres persoas de nacionalidade ucraína, outras tres procedentes de Letonia e unha de Rusia, ingresando seis deles en prisión.

Filmación (para descargar o vídeo débese introducir o seguinte enderezo web):

https://we.tl/t-wJ2kXcQRWQ