Operación da Axencia Tributaria, Policía Nacional e Policía Nacional do Ecuador coa colaboración de Europol

• Éstánse levando a cabo de maneira simultánea 21 entradas e rexistros en España e 56 no Ecuador

• Interviñéronse ata agora máis de 400.000 euros en efectivo, gran cantidade de inmobles, vehículos de alta gama e diversos produtos financeiros

6 de febreiro de 2024.- Vixilancia Aduaneira da Axencia Tributaria e Policía Nacional, así como a Policía Nacional do Ecuador, están levando a cabo unha operación conxunta en ambos os dous países, realizandose de maneira simultánea 21 entradas e rexistros en España e 56 no Ecuador.

A operación, desenvolvida pola Área Rexional de Vixilancia Aduaneira de Madrid e a Comisaría Xeral de Policía Xudicial, contou coa colaboración de Europol, sendo coordinada pola Fiscalía Especial Antidroga, en cooperación coa Fiscalía Especializada contra a Delincuencia Organizada Transnacional do Ecuador, todo iso a través da Rede de Fiscal Antidroga de Iberoamérica (RFAI) e o Xulgado Central de Instrución número un.

Foron detidas ata o momento un total de 30 persoas que formaban parte dunha organización criminal asentada principalmente na provincia de Málaga (España) e en Guayaquil (Ecuador), responsable da introdución e distribución de grandes remesas de cocaína en Europa Nota de prensa desde América do Sur por vía marítima, así como o investimento dos beneficios
ilícitos en España. Ademais das actuacións nestes dous lugares, éstánse levando a cabo rexistros en Barcelona, Madrid, Valencia, Sevilla,
Granada e Cádiz, así como noutras localidades do Ecuador.

A organización contaba cunha gran experiencia na introdución en Europa de grandes cantidades de cocaína utilizando novas técnicas
para escapar dos controis establecidos e contando para iso cunha complexa estrutura empresarial internacional, o cal lle permitía introducir
no circuíto legal os beneficios ilicitamente obtidos.

Esta organización sería a responsable do intento de introdución de polo menos 3.200 quilos de cocaína en Europa, os cales tiñan como orixe Ecuador e destino diferente portos europeos.

Ademais das detencións dos principais responsables, e froito da operación, interviñéronse ata agora máis de 400.000 euros en efectivo, bloqueáronse en España gran cantidade de inmobles valorados en máis de 13 millóns de euros, así como vehículos de alta gama e reloxos de luxo, e o bloqueo de produtos financeiros.

Con esta actuación coordinada en ambos os dous países procédese a desmantelar a estrutura completa desta complexa organización criminal, que controlaban todas as fases da produción, transporte e venda da substancia ilícita, así como o posterior branqueo dos fondos, contando para iso con expertos na creación neste tipo de estruturas financeiras para canalizar eses beneficios.

O desenvolvemento desta operación foi financiada co Fondo de Seguridade Interior da Comisión Europea.

A operación continúa aberta e non se descartan novas detencións.