Actuación do Servizo de Vixilancia Aduaneira da Axencia Tributaria

• A intervención prodúcese no marco da operación internacional ‘Pascal-Lino 2024’ que a Aduana española desenvolve canda a francesa no Atlántico

• Detidos os seis tripulantes do pesqueiro, de nacionalidade brasileira

• A droga foi detectada na zona dos aparellos de pesca co apoio dun escáner portátil do Buque de Operacións Especiais ‘Petrel’ do Servizo de Vixilancia Aduaneira da Axencia Tributaria

26 de setembro de 2024.- Funcionarios do Servizo de Vixilancia Aduaneira da Axencia Tributaria a bordo do Buque de Operacións Especiais ‘Petrel’, en cooperación co patrulleiro francés ‘DFP3-JF Deniau’, interviñeron en augas do Atlántico ao noroeste das Canarias un pesqueiro sen bandeira que portaba 500 quilos de cocaína, ao tempo que procederon á detención dos seus seis tripulantes, todos eles de nacionalidade brasileira.

Os patrulleiros das aduanas españolas e francesa encontrábanse despregados na zona no marco da operación denominada ‘Pascal-Lino 2024’, un exercicio de cooperación que as aduanas de España e Francia veñen desenvolvendo en distintos escenarios nos últimos anos.

A intervención comezou cando medios aéreos participantes na operación lograron identificar unha embarcación de pesca cuxas características e comportamento facíana altamente sospeitosa, ao navegar con rumbos erráticos e sen que existise nun rango moi amplo ningunha outra embarcación de pesca.

Foi entón, na mañá do pasado luns, cando os medios navais se dirixiron cara á posición desta embarcación, a máis de 300 millas ao noroeste das Canarias, para verificar a identidade da embarcación e as circunstancias sobre a súa actividade e situación na zona.

Droga oculta entre aparellos de pesca

A bordo do pesqueiro encontrábanse seis individuos, todos de nacionalidade brasileira, que dicían estar faenando na zona. Porén, o comportamento da tripulación, o estado de desuso dos aparellos de pesca e as graves deficiencias de seguridade e de documentación atopada reforzaron as sospeitas iniciais dos axentes, que detectaron entre unha gran cantidade de redes e aparellos varios sacos que, coa axuda dun equipo de inspección radiolóxica portátil do ‘Petrel’, resultaron finalmente ser fardos de que habitualmente se utilizan para o transporte de substancias estupefacientes.

Froito desta actuación interviñéronse un total de 20 fardos de cocaína, cun peso estimado de 500 quilos, resultando detidos os tripulantes da embarcación.

O buque ‘Petrel’ ha arribada esta mañá ao porto de Santa Cruz de Tenerife para desembarcar a droga e pór a disposición do Xulgado de Garda aos detidos. A Audiencia Nacional dirixe o correspondente procedemento xudicial.

Filmación do operativo (para descargar o vídeo débese introducir o seguinte enderezo web):

Imaxes do operativo

https://we.tl/t-gRlxVknAkx

Imaxes da chegada a porto e descarga

https://we.tl/t-VE7R9sMi9E