Pagamentos desde o exterior (desde entidades non colaboradoras)

No Boletín Oficial do Estado do día 4 de febreiro de 2021 publicouse a Resolución do 18 de xaneiro de 2021, da Dirección Xeral da Axencia Estatal de Administración Tributaria, pola que se definen o procedemento e as condicións para o pagamento de débedas mediante transferencias a través de entidades colaboradoras na xestión recadadora encomendada á Axencia Estatal de Administración Tributaria.　

Con vixencia a partir do 15 de marzo de 2021, na citada Resolución cónténse o ámbito obxectivo aplicable da mesma, así como as especificacións de todo o procedemento, de que se destacan:　

• Permítese realizar pagamentos para quen non dispón de conta aberta nalgunha entidade colaboradora na xestión recadadora estatal.　

• Especialmente destinada para o seu uso por aqueles que realizan o pagamento das súas débedas desde o estranxeiro.　

• Pode realizarse tanto por persoas físicas como persoas xurídicas.　

• O pagamento proverá efectos liberatorios na data de recepción e ingreso da transferencia. 　

ADVERTENCIA: Todas aquelas transferencias que se efectúen sen axustarse estritamente o procedemento previsto na indicada Resolución ou que sexan ordenadas desde contas abertas en entidades de crédito que sexan colaboradoras da Axencia Tributaria  serán devoltas (cos gastos e comisións a cargo do ordenante), non producindose, polo tanto, ningún efecto xurídico do pagamento. 　

Poderán acceder ao pagamento mediante esta modalidade na Sede electrónica da Axencia Tributaria, seleccionando  Liquidacións/Débedas - Pagamento mediante transferencia ou ben, a través do sistema de pagamento de autoliquidacións con recoñecemento de débeda, previa presentación telemática e incorporación no concepto de pagamento do Identificador de pagamento facilitado.