Nota sobre a forma de documentar a bonificación extraordinaria e temporal do prezo final de determinados produtos enerxéticos.

(Artigos 15 e 16 do Real Decreto-lei 6/2022, do 29 de marzo)

O artigo 15 do Real Decreto-lei 6/2022 aproba unha bonificación extraordinaria sobre o prezo de venda ao público de determinados produtos enerxéticos e aditivos, adquiridos entre os días  1 de abril e  30 de xuño de  2022 en instalacións de subministración de combustibles e carburantes polo miúdo ou a empresas que realicen vendas directas aos consumidores finais.

Esta bonificación farase efectiva mediante desconto sobre o prezo de venda ao público, impostos incluídos, equivalente ao importe da bonificación, que deberán aplicar en cada subministración as citadas instalacións e empresas.

Desde o  15 de abril de  2022, nos documentos que expidan as instalacións de subministración de combustibles e carburantes polo miúdo ou empresas que realicen vendas directas aos consumidores finais por subministracións aos que se aplique esta bonificación deberá constar polo menos unha das seguintes informacións:

• O importe da operación, distinguindo o prezo antes de aplicar o desconto e despois de aplicar a bonificación, así como o importe da bonificación aplicada.

• Referencia expresa á aplicación da bonificación recollida no Real decreto-lei 6/2002.

RECOMENDACIÓNS sobre a forma de incluír as mencións á bonificación no documento que hai que expedir con ocasión da subministración:

EXEMPLO PARA O CASO DE QUE PROCEDA O DESCONTO DE 0,20 EUROS POR LITRO DIRECTAMENTE DESDE O ESTABLECEMENTO DE VENDA DIRECTA A CONSUMIDOR FINAL:

Para unha subministración nunha gasolineira de 1 litro de gasolina cun prezo de venda ao público de 1,8 euros por litros (prezo que NON inclúe o desconto de 0,05 euros litro do maiorista), recoméndase incluír as seguintes mencións no documento que hai que expedir con ocasión da subministración:

Opción 1 : incluír mencións ao prezo antes do desconto, o prezo despois da bonificación e o importe da bonificación aplicada.

O IVE nesta operación é (1,80/1,21) * 0,21 = 0,31 euros.

Opción 2 : incluír unha referencia expresa á aplicación da bonificación recollida no RD-LEI 6/2022.

Esta referencia expresa é libre.

Como exemplo, as mencións poden facerse dalgunha das seguintes formas:

• Como información adicional na factura: “Obtivo unha bonificación de 0,20 euros por litro, bonificados polo Estado segundo RD-LEI 6/2022 de marzo de 2022”.

• Como mención dentro do concepto do prezo de venda ao público: