Nota informativa

NOTA SOBRE A DECLARACIÓN INFORMATIVA POR GASTOS EN GARDARÍAS Ou CENTROS DE EDUCACIÓN INFANTIL AUTORIZADOS (modelo 233).

A Sentenza do Tribunal Supremo do 8 de xaneiro de 2024, fixa a seguinte doutrina xurisprudencial:

"A expresión "gardarías ou centros de educación infantil autorizada" contida no artigo 81.2, parágrafo 1º, da Lei do IRPF que condiciona a aplicabilidade do incremento do importe da dedución por maternidade debe entenderse e n o sentido de que a autorización esixida polo citado precepto ás gardarías ou centros de educación infantil non é a outorgada pola Administración educativa correspondente, que tan só será esixible aos centros de educación infantil, senón a que resulte preciso par á apertura e funcionamento da actividade de custodia de menores en gardarías, segundo as disposicións normativas aplicables a este tipo de centros".

Tendo en conta o contido e criterio desta sentenza, en que se determina que de acordo co previsto no parágrafo 1º do artigo 81.2 da LIRPF , para as gardarías debe entenderse que a autorización requirida pode non ser a da autoridade educativa correspondente e que sería suficiente coa autorización que sexa esixible ou precisa para a “apertura e funcionamento da actividade de custodia de menores en gardarías, segundo as disposicións normativas aplicables a este tipo de centros":

Co obxectivo de facilitar a aplicación da dedución no modelo de IRPF de acordo con este criterio, as gardarías que non conten con autorización da autoridade educativa competente, poden presentar a declaración informativa a que se refire o artigo 69.9 do RIRPF (modelo 233).

Con esta finalidade os campos relacionados cos datos da autorización da administración educativa competente, ata agora obrigatorios, convértense en opcionais.

Deste xeito todas as gardarías que conten coa autorización para a apertura e funcionamento da actividade de custodia de menores en gardarías, segundo as disposicións normativas aplicables a este tipo de centros, poden presentar o modelo 233, informando dos potenciais beneficiarios desta dedución.