Instrucións

Imputación temporal

• As operacións entenderanse producidas no período en que se deba realizar a anotación rexistral da factura ou documento substitutivo que sirva de xustificante.

• No caso das operacións ás que sexa de aplicación o réxime especial de criterio de caixa do IVE , consignaranse polos importes correspondentes no ano natural correspondente ao momento da devindicación total ou parcial das mesmas, de conformidade cos criterios de devindicación deste réxime especial establecido no artigo 163.terdecies da Lei 37/1992.

• Os anticipos de clientes e a provedores deben incluírse no modelo 347. Ao efectuarse ulteriormente a operación, declararase o importe total da mesma minorandoo no do anticipo anteriormente declarado, sempre que o resultado desta minoración supere, canda o resto de operacións realizadas no ano natural coa mesma persoa ou entidade a cifra de 3.005,06 euros en valor absoluto.

• As subvencións, auxilios ou axudas que concedan as Entidades integradas nas distintas Administracións públicas territoriais ou na Administración institucional entenderanse satisfeitos o día en que se expida a correspondente orde de pagamento. De non existir orde de pagamento entenderanse satisfeitas cando se efectúe o pagamento.

• Cando as cantidades percibidas en metálico, non poidan incluírse na declaración do ano natural en que se realizan as operacións por percibirse con posterioridade á súa presentación ou por non acadar nese momento un importe superior a 6.000 euros, deberán incluírse separadamente na declaración correspondente ao ano natural posterior en que se efectuase o cobramento ou superásese o importe sinalado anteriormente.