Instrucións modelo 216. Presentación exercicio 2024 e seguintes

Imposto sobre a Renda de non Residentes Non residentes sen establecemento permanente

Rendas obtidas sen mediación de establecemento permanente

Retencións e ingresos a conta (declaración - documento de ingreso)

As referencias á Lei do Imposto e ao Regulamento contido nas presentes instrucións enténdense efectuadas ao texto refundido da Lei do Imposto sobre a Renda de non Residentes aprobada por Real decreto Lexislativo 5/2004, do 5 de marzo (BOE do 12 de marzo) e ao Regulamento do devandito Imposto aprobado por Real decreto 1776/2004, do 30 de xullo (BOE do 5 de agosto).

As instrucións de formalización confeccionáronse tendo en conta a normativa vixente desde o 1 de xaneiro de 2024.

Obrigados

Un.- Este modelo deberá ser utilizado polos suxeitos obrigados a reter ou a efectuar ingreso a conta sobre as rendas obtidas sen mediación de  establecemento permanente por contribuíntes do Imposto sobre a Renda de non Residentes, agás os suxeitos obrigados a reter ou a ingresar a conta nas transmisións e reembolsos de accións ou participacións representativas do capital ou patrimonio de institucións de investimento colectivo e os obrigados a reter ou a ingresar a conta sobre os premios de determinadas lotarías e apostas.

Os suxeitos obrigados a utilizar este modelo, de acordo co que se dispón no artigo 11 do Regulamento do Imposto son os seguintes:

1. Os suxeitos a que se refire o apartado 1 do artigo 31 da Lei do Imposto.

2. Nas operacións sobre activos financeiros e nas transmisións de valores da Débeda do Estado, deberán practicar retención ou ingreso a conta os suxeitos obrigados a reter ou ingresar a conta de acordo co que se establece no artigo 76.2, parágrafos b) e c), do Regulamento do Imposto sobre a Renda das Persoas Físicas, aprobado por Real decreto 439/2007, do 30 de marzo.

3. No caso de premios, estará obrigado a reter ou a ingresar a conta a persoa ou entidade que os satisfaga.

Dous.- O modelo 216 tamén se utilizará polos citados obrigados nos casos en que, de acordo co que se dispón no apartado 4 do artigo 31 da Lei do Imposto, non proceda practicar retención ou ingreso a conta. Nestes casos, indicarase o número e o importe das rendas non sometidas a retención ou ingreso a conta no período a que se refira a declaración.

Tres.- Non obstante, non se terán en conta, para os efectos do que se dispón no parágrafo anterior, as seguintes rendas:

1. As rendas a que se refire o artigo 14.1.a) da Lei do Imposto agás os rendementos do traballo en especie mencionada no apartado 3 do artigo 42 da Lei 35/2006, do 28 de novembro, do Imposto sobre a Renda das Persoas Físicas e de modificación parcial das leis dos Impostos sobre Sociedades, sobre a Renda de non Residentes e sobre o Patrimonio.

2. As rendas derivadas de valores emitidos en España por persoas físicas ou entidades non residentes sen mediación de establecemento permanente, calquera que sexa o lugar de residencia das institucións financeiras que actuen como axentes de pagamento ou medien na emisión ou transmisión dos valores.

3. Os rendementos das contas de non residentes que se satisfagan a contribuíntes por este Imposto, sen establecemento permanente situado en territorio español, polo Banco de España ou polas entidades rexistradas a que se refire a normativa de transaccións económicas co exterior.

4. Os intereses da Débeda do Estado e das Comunidades Autónomas en Anotacións, suxeitos a un procedemento especial de pagamento dos mesmos ou de devolución de retencións.

5. As rendas exceptuadas da obriga de reter e de ingresar a conta enumeradas no apartado 3 do artigo 10 do Regulamento do Imposto.

6. As rendas a que se refire o artigo 118.1.c) do texto refundido da Lei do Imposto sobre Sociedades aprobadas por Real decreto Lexislativo 4/2004, do 5 de marzo.

Catro.- Determinación da retención ou ingreso a conta. Na determinación da retención ou ingreso a conta aplicaranse os tipos de gravame establecidos no artigo 25 da Lei do Imposto, en función do tipo de renda, sobre a base de cálculo definido no artigo 13 do Regulamento do Imposto. Se resulta aplicable un Convenio para evitar a dobre imposición, determinaranse tendo en conta os límites de imposición ou as exencións que se establezan no mesmo.

Atención : Os adquirentes de bens inmobles a non residentes sen establecemento permanente, para practicar a retención a que se refire o apartado 2 do artigo 25 da Lei do Imposto, non utilizarán este modelo, senón o específico existente para ese fin (modelo 211).

Devindicación

Recadro 01  Exercicio. Consignaranse as catro cifras do ano ao que corresponde o período polo que se efectúa esta declaración.

Recadro 02 Período.Se se trata de declaración trimestral:

Se se trata de declaración mensual (grandes empresas):

Identificación

Recadro 03 NIF. Consignarase o NIF do declarante.

Recadro 04 Apelidos e nome ou razón social. Se é unha persoa física consignarase o primeiro apelido e, se é o caso, o segundo apelido e o nome completo necesariamente nesta orde. Para persoas xurídicas e entidades en réxime de atribución de rendas, consignarase a razón social completa, sen anagrama. En ningún caso poderá figurar neste campo un nome comercial.

Liquidación

1. Rendas sometidas a retención/ingreso a conta:

   Como novidade, para rendas reportadas desde 2024, hai que analizar do importe total de retencións e ingresos a conta o correspondente a dividendos e outras rendas de participación en fondos propios de entidades e o correspondente a outras rendas.

   Dividendos e outras rendas de participación en fondos propios de entidades:

   • Recadro 05 Número de rendas: Deberá consignarse o número total de rendas sobre as que o declarante viñese obrigado a reter ou a efectuar ingreso a conta no mes ou trimestre obxecto de declaración.

   • Recadro 08 Base de retencións e ingresos a conta: Consignarase a suma total das bases de retención ou de ingreso a conta correspondentes ás rendas declaradas no recadro 05.

   • Recadro 11 Retencións e ingresos a conta: Consignarase o importe total das retencións e ingresos a conta que correspondan ás rendas declaradas no recadro 05.

   Resto de rendas:

   • Recadro 06 Número de rendas: Deberá consignarse o número total de rendas sobre as que o declarante viñese obrigado a reter ou a efectuar ingreso a conta no mes ou trimestre obxecto de declaración.

   • Recadro 09 Base de retencións e ingresos a conta: Consignarase a suma total das bases de retención ou de ingreso a conta correspondentes ás rendas declaradas no recadro 06.

   • Recadro 12 Retencións e ingresos a conta: Consignarase o importe total das retencións e ingresos a conta que correspondan ás rendas declaradas no recadro 06.

   Totais:

   • Recadro 07 Número de rendas : Deberá consignarse o número total de rendas sobre as que o declarante viñese obrigado a reter ou a efectuar ingreso a conta declaradas nos recadros 05 e 06.

   • Recadro 10 Base de retencións e ingresos a conta : Consignarase a suma total das bases de retención ou de ingreso a conta declaradas nos recadros 08 e 09.

   • Recadro 13 Retencións e ingresos a conta: Consignarase o importe total das retencións e ingresos a conta  declaradas nos recadros 11 e 12.

2. Rendas non sometidas a retención/ingreso a conta:

     Dividendos e outras rendas de participación en fondos propios de entidades:

   • Recadro 14 Número de rendas. Deberá consignarse o número total de rendas suxeitas ao imposto exceptuado de retención ou de ingreso a conta, conforme ao previsto nos puntos 2 e 3 do artigo 2 da Orde que aproba este modelo (estes puntos recóllense no apartado "Obrigado" destas instrucións como apartados Dous e Tres).

   • Recadro 17 Base de retencións e ingresos a conta. Consignarase a suma total das bases de retención ou de ingreso a conta correspondentes ás rendas declaradas no recadro 14.

   Resto de rendas:

   • Recadro 15 Número de rendas. Deberá consignarse o número total de rendas suxeitas ao imposto exceptuado de retención ou de ingreso a conta, conforme ao previsto nos puntos 2 e 3 do artigo 2 da Orde que aproba este modelo (estes puntos recóllense no apartado "Obrigado" destas instrucións como apartados Dous e Tres).

   • Recadro 18 Base de retencións e ingresos a conta. Consignarase a suma total das bases de retención ou de ingreso a conta correspondentes ás rendas declaradas no recadro 15.

   Totais :

   • Recadro 16 Número de rendas. Deberá consignarse o número total de rendas suxeitas ao imposto exceptuado de retención ou de ingreso a conta declaradas nos recadros 14 e 15.

   • Recadro 19 Base de retencións e ingresos a conta . Consignarase a suma total das bases de retención ou de ingreso a conta correspondentes ás rendas declaradas nos recadros 17 e 18.

Recadro 20 Resultados a ingresar de anteriores declaracións polo mesmo concepto, exercicio e período. Deberá consignarse neste recadro o importe correspondente a declaracións anteriores, polo mesmo concepto, exercicio e período, exclusivamente en caso de declaración complementaria.

Recadro 21 Resultado a ingresar. Deberá consignarse neste recadro o importe correspondente á resta dos recadros 13 e 20.

Apartado "Ingreso"

Se o resultado consignado no recadro 21 é unha cantidade a ingresar, o seu importe trasladarase á clave “I”, marcando ademais o recadro correspondente á forma de pagamento. Se se efectúa o ingreso mediante cargo en conta ou domiciliación bancaria, cubra os datos completos da conta de cargo (Código IBAN) da Entidade colaboradora ou, ben os dunha conta aberta nunha entidade non colaboradora da Zona Única de Pagamentos en Euros (Zona SEPA). Neste último caso o pagamento terá que realizarse recorrendo á intermediación no servizo dunha entidade colaboradora na xestión recadadora.

O procedemento para efectuar o ingreso da cantidade resultante da autoliquidación será o establecido na Orde HAP/2194/2013, do 22 de novembro (artigos 4 e 6 a 9), pola que se regulan os procedementos e as condicións xerais para a presentación de determinadas autoliquidacións e declaracións informativas de natureza tributaria (BOE do 26). Se a domiciliación se realiza nunha conta aberta nunha entidade non colaboradora na Zona SEPA, axustarase ao que se dispón no artigo 5 bis da Orde EHA/1658/2009, do 12 de xuño.

Declaración negativa

No suposto de que a declaración inclúa exclusivamente rendas non sometidas a retención ou a ingreso a conta e, polo tanto, o importe total das  retencións e ingresos a conta (recadro 13) sexa igual a cero, deberá marcar unha "X" no recadro indicado para ese fin.

Complementaria

Marque cunha X se a declaración é complementaria doutra declaración anterior correspondente ao mesmo concepto, exercicio e período. Neste caso consignarase o número de xustificante indicativo da declaración anterior.

Formas de presentación

A presentación realizarase por vía electrónica, a través da Sede Electrónica da Axencia Tributaria mediante Cl@ve Móbil, certificado electrónico  ou DNIE.

Prazo de presentación

Declaración trimestral: durante os vinte primeiros días naturais dos meses de abril, xullo, outubro e xaneiro, polas retencións e ingresos a conta que correspondan ao trimestre natural inmediato anterior.

Declaración mensual (grandes empresas): durante os vinte primeiros días naturais do mes seguinte ao período de declaración mensual que corresponda.