Instrucións

Gravame especial sobre dividendos ou participacións en beneficios distribuídos por sociedades anónimas cotizadas de investimento no mercado inmobiliario.

1. IDENTIFICACIÓN

   Consignaranse os datos de identificación do contribuínte: o seu número de identificación fiscal (NIF) e razón social.

2. DEVINDICACIÓN

   Data de devindicación: Consignarase a data de devindicación do gravame especial sobre dividendos ou participacións en beneficios distribuídos por SOCIMI, que terá lugar o día o día do acordo de distribución de beneficios pola xunta xeral de accionistas, ou órgano equivalente.

   Exercicio: Cubrirase con catro díxitos o ano que corresponda á data de inicio do período impositivo.

   Duración do período impositivo: Indicaranse neste apartado as datas de inicio e peche do período impositivo a que se refire a declaración.

3. RELACIÓN DE PERCEPTORES

   Deberanse consignar os datos identificativos de cada perceptor: o seu número de identificación fiscal ou o do seu representante e o nome ou razón social.

   Importe: importe íntegro do dividendo ou participación en beneficio percibido polo socio.

4. LIQUIDACIÓN

   Número de perceptores: neste apartado mostrarase o número resultante da suma de perceptores que se consignasen no apartado anterior.

   Importe íntegro: neste apartado mostrarase o importe resultante da suma dos importes íntegros que se declarasen no apartado anterior.

   Tipo de gravame: Consignarase o tipo de gravame vixente para a liquidación do imposto (19% a partir do 1 de xaneiro de 2013).

   Porcentaxe de tributación á Administración do Estado: neste apartado aparecerá a porcentaxe do 100 %. No caso de que a porcentaxe de tributación á Administración do Estado sexa distinto de 100% por tratarse de supostos de tributación conxunta coas Administracións do País Vasco ou Navarra, deberá indicaro no recadro habilitado para ese fin e consignar a porcentaxe correspondente á Administración do Estado.

   Cota: A cota do imposto será o resultado de aplicar ao importe íntegro dos dividendos consignados no recadro 02, o tipo de gravame especificado no recadro 03. No recadro 06 indicarase a parte de cota que corresponda á Administración estatal, que será a totalidade do importe agás nos supostos de tributación conxunta coas Administracións do País Vasco ou Navarra. Nestes , indicarase no recadro 05 o resultado de aplicar a ese resultado a porcentaxe que corresponda ás Administracións forais do País Vasco e Navarra.

   Resultado da autoliquidación anterior: Os recadros 07 e 08 cubriranse exclusivamente nos supostos de presentación de autoliquidacións complementarias para indicar o resultado correspondente á autoliquidación anterior.

   Resultado a ingresar: Nos recadros 09 e 10 indicarase o importe que hai que ingresar resultante da autoliquidación, tanto ás Administracións forais, recadro 09, como á Administración do Estado, recadro 10.

5. COMPLEMENTARIA

   Se a autoliquidación fóra complementaria doutra presentada con anterioridade polo mesmo período, deberase facer constar o número de xustificante identificativo da autoliquidación anterior. Neste suposto, nas claves [07] ou [08], segundo o caso, farase constar o importe ingresado pola autoliquidación presentada con anterioridade.

PRAZO DE PRESENTACIÓN

O gravame sobre dividendos ou participacións en beneficios distribuídos por SOCIMI deberá ser obxecto de autoliquidación e ingreso no prazo de dous meses desde a data de devindicación. Os vencementos de prazo que coincidan cun día inhábil entenderanse trasladados ao primeiro día hábil inmediato seguinte.

A orde ministerial que aproba o modelo 217 é de aplicación para os períodos impositivos iniciados a partir do 1 de xaneiro de 2013.

Todos os importes deben expresarse en euros, debendo consignarse a parte enteira seguida de dous decimais.