Instrucións

IMPOSTO SOBRE O VALOR ENGADIDO. SOLICITUDE DE REINTEGRO DE COMPENSACIÓNS NO RÉXIME ESPECIAL DA AGRICULTURA, GANDARÍA E PESCA.

MODELO 341

INSTRUCIÓNS

ESTE MODELO CUBRIRASE:

Polos suxeitos pasivos que, acollidos ao réxime especial da agricultura, gandaría e pesca, realizasen entregas de bens que sexan obxecto de exportación ou de expedición ou transporte a outro Estado membro e polos servizos comprendidos no réxime especial prestado a destinatarios establecidos fóra do territorio de aplicación do Imposto, de acordo co que se dispón no artigo 131.1° da Lei 37/1992, do 28 de decembro, do Imposto sobre o Valor Engadido.

FORMAS DE PRESENTACIÓN:

A presentación do Modelo 341 para os exercicios 2016 e seguintes poderá realizarse:

• Cun certificado electrónico recoñecido emitido de acordo ás condicións que establece a Lei 59/2003. Poderá ser utilizado por todos os suxeitos pasivos.

• Co sistema Cl@ve ou sistema de sinatura con clave de acceso nun rexistro previo como usuario establecido. Poderá ser utilizado por aqueles suxeitos pasivos acollidos ao réxime especial da agricultura, gandaría e pesca que sexan persoas físicas.

PRAZO DE PRESENTACIÓN:

A presentación desta declaración efectuarase nos vinte primeiros días naturais posteriores a cada trimestre natural. A correspondente ao último trimestre natural do ano deberá, presentarse durante os trinta primeiros días naturais do mes de xaneiro do ano seguinte.

FORMALIZACIÓN:

(1) Identificación

Consignará os datos identificativos do suxeito pasivo.

(2) Devindicación

Exercicio

Deberá consignar as catro cifras do ano ao que corresponde o período trimestral polo que efectúa a declaración.

Período. Segundo a táboa seguinte:

1T = 1.º Trimestre

2T = 2.º Trimestre

3T = 3.ºTrimestre

4T = 4.º Trimestre

(3) Compensación

01 a 03

Consignarase o importe total, no período, das entregas de bens que sexan obxecto de exportación ou de expedición ou transporte a outro Estado membro realizada no ámbito do réxime especial da agricultura, gandaría e pesca e dos servizos comprendidos no réxime especial prestado a destinatarios establecidos fóra do territorio de aplicación do Imposto a que se refire o artigo 131.1.° da Lei do IVE, correspondente a cada porcentaxe de compensación fixada no apartado cinco do artigo 130 da citada Lei.

Para a determinación do importe total das citadas operacións non se computarán os tributos indirectos que gravan as devanditas operacións, nin os gastos accesorios ou complementarios ás mesmas cargados separadamente ao adquirente, tales como comisións, embalaxes, portes, transportes, seguros, financeiros ou outros.

04 a 06

Consignaranse os porcentaxes de compensación establecidos no apartado cinco do artigo 130 da Lei do IVE.

07 a 09

Farase constar o importe da compensación, resultado de aplicar ao valor indicado nos recadros 01-03, o porcentaxe de compensación fixado nos recadros 04-06.

No último apartado indicarase o importe da compensación así como os datos correspondentes á conta en que se debe aboar a mesma.