Instrucións

Modelo 410

Pagamento á conta do imposto sobre os depósitos nas entidades de crédito. Autoliquidación

Instrucións sobre a formalización do modelo 410 e as formas de presentación do mesmo.

Cuestións xerais

As referencias á Lei do Imposto contido nas presentes instrucións enténdense efectuadas á Lei 16/2012, do 27 de decembro, pola que se adoptan diversas medidas tributarias dirixidas á consolidación das finanzas públicas e ao impulso da actividade económica.

Obrigados a presentar o Modelo 410

Están obrigados a presentar o Modelo 410:

1. As entidades de crédito definidas no artigo 1 do Real decreto Lexislativo 1298/1986, do 28 de xuño, sobre adaptación do dereito vixente en materia de Entidades de crédito ao das Comunidades Europeas.
2. As sucursais en territorio español de entidades de crédito estranxeiro.

Están exentos do Imposto, e en consecuencia non están obrigados a presentar o Modelo 410:

1. O Banco de España e as autoridades de regulación monetaria.
2. O Banco Europeo de Investimentos.
3. O Banco Central Europeo.
4. O Instituto de Crédito Oficial.

Prazos de presentación do modelo 410.

O prazo para a presentación do modelo 410 será o comprendido entre o 1 e o 31 do mes de xullo de cada período impositivo en curso. A presentación do modelo 410 con domiciliación bancaria do pagamento da débeda tributaria resultante poderá efectuarse no prazo comprendido entre os días 1 e 26 de xullo, ambos os dous incluídos.

Formas de presentación do Modelo 410.

A presentación do Modelo 410 será obrigatoria por vía electrónica utilizando certificados electrónicos recoñecidos emitidos para a identificación e autenticación do contribuínte.

Formalización do modelo 410

(1) Identificación

Introduza o NIF do declarante e a súa denominación ou razón social.

(2) Devindicación

Período Impositivo: consigne as catro cifras do ano natural ao que corresponde o pagamento a conta.

(3) Liquidación

(4) Autoliquidación Complementaria

Marcarase unha «X» no recadro indicado para ese fin cando esta autoliquidación sexa complementaria doutra ou outras autoliquidacións presentadas anteriormente polo mesmo concepto e correspondentes ao mesmo período impositivo. En tal suposto, farase constar tamén neste apartado o número de xustificante da autoliquidación anterior. De haberse presentado anteriormente máis dunha autoliquidación, farase constar o número de xustificante da última delas .

(5) Ingreso

Deberá consignarse o importe que hai que ingresar (recadro 06) no recadro identificado coa clave I, así como a forma de pagamento elixida. Así mesmo, deberán incluírse na declaración os datos completos da conta bancaria (Código IBAN) en caso de pagamento mediante domiciliación bancaria ou o Número de Referencia Completo, no caso de pagamento mediante cargo en conta con obtención do NRC.

(6) Distribución do pagamento a conta

Na folla 2 do modelo 410 deberá desagregarse o importe do pagamento a conta realizado nos termos establecidos polo artigo 19. Dez da Lei do Imposto.

Nos recadros 09 a  34 e 37 a 40  deberá desagregarse a parte do pagamento a conta que corresponde a cada unha das Comunidades Autónomas especificadas no Modelo.

Así, por exemplo, no caso de Andalucía, deberá consignarse no recadro 09 a parte da base impoñible do período impositivo anterior que se corresponda con fondos de terceiros mantidos na sede central ou en sucursais que radiquen no territorio da devandita Comunidade Autónoma. No recadro 10 consignarase o importe do pagamento a conta realizado que se corresponda con fondos de terceiros mantidos na Comunidade Autónoma de Andalucía, que coincidirá co 50 %do resultado de aplicar o tipo de gravame do Imposto á base consignada no recadro 09.

(7) Información relativa á parte do Imposto correspondente a Ceuta e Melilla