Documentación para importar un vehículo
Documentación que debes presentar na aduana e como calcular a débeda aduaneira
Base Impoñible (BI). Valor do vehículo para a aplicación de impostos
Nun VEHÍCULO NOVO, o valor que hai que utilizar é o prezo da transacción que figura na factura, incluído o seguro e o frete (CIF), segundo condicións. Se o prezo que figura na factura non se considera polas autoridades aduaneiras que se ache dentro dos límites contemplados na normativa, deberán aplicarse os métodos que establece a lexislación aduaneira sobre o valor en aduana. Consulta o valor en aduana que se inclúe dentro da débeda aduaneira en contidos relacionados.
Nun VEHÍCULO USADO o valor que hai que utilizar é o prezo da transacción que figura na factura, incluído o seguro e o frete (CIF), segundo condicións. Se non existe factura ou o prezo que nela figura non é considerado polas autoridades aduaneiras que se ache dentro dos límites contemplados na normativa, deberán aplicarse os métodos que establece a lexislación aduaneira sobre o valor en aduana. Se non puidese aplicarse a valoración recollida nos artigos 70 e 74 ap.1 e 2) do Código Aduaneiro da Unión, poderá utilizar entre outros, o valor de mercado que publica o Ministerio de Facenda e Función Pública cada ano en orde ministerial e que aproba os prezos medios de venda aplicable na xestión do Imposto sobre Transmisións Patrimoniais e Actos Xurídicos Documentados, Imposto sobre Sucesións e Doazóns e Imposto Especial sobre Determinados Medios de Transporte. Ligazón