Adaptación do sistema DIVA aos novos tipos impositivos do Real Decreto-lei 4/2024, do 26 de xuño

Adaptación do sistema DIVA aos novos tipos impositivos no Imposto sobre o Valor Engadido, introducidos pola publicación do Real decreto - lei 4/2024, do 26 de xuño, polo que se prorrogan determinadas medidas para afrontar as consecuencias económicas e sociais derivadas dos conflitos en Ucraína e Oriente Próximo e adóptanse medidas urxentes en materia fiscal, enerxética e social.

Adáptase o sistema DIVA para a admisión dos decimais que inclúen os novos tipos impositivos nos seus díxitos. A partir do 23 de setembro de 2024 poderanse realizar probas para comprobar o seu correcto funcionamento.

Tipo impositivo aplicable temporalmente a alimentos básicos incluído o aceite de oliva

Desde o 1 de outubro ata o 31 de decembro de 2024, aplicarase o tipo do 2 %do IVE e o tipo da recarga de equivalencia do 0,26 %aos seguintes produtos:
1. O pan común, así como a masa de pan común conxelado e o pan común conxelado destinados exclusivamente á elaboración do pan común.
2. As fariñas panificables.
3. Os seguintes tipos de leite producido por calquera especie animal: natural, certificada, pasterizada, concentrada, desnatada, esterilizada, UHT, evaporada e en po.
4. Os queixos.
5. Os ovos.
6. As froitas, verduras, hortalizas, legumes, tubérculos e cereais, que teñan a condición de produtos naturais de acordo co Código Alimentario e as disposicións ditadas para o seu desenvolvemento.
7. Os aceites de oliva.
Tipo impositivo aplicable temporalmente a aceites de sementes e pastas alimenticias

Desde o 1 de outubro ata o 31 de decembro de 2024 corresponderá o tipo do 7,5 %do IVE e o tipo da recarga de equivalencia do 1 %.