Especies ameazadas: flora e fauna. CITES

Para a importación de espécimes, seus partes ou derivados deles , afectos ao Convenio de Washington (Regulamento (CE) 338/97) relativo á protección de especies da fauna e flora silvestre (Convenio CITES), deberán presentarse na aduana os permisos ou notificacións de importación correspondente. Están suxeitas a este Convenio entre outros, marfil, cunchas de tartaruga, certos trofeos de caza, certos animais vivos como papagaios, cotorras, etc.

Existen determinados artigos enumerados no anexo B (nunca do Anexo A) do Regulamento (CE) 338/97 para os que non cómpre presentar documentos CITES de importación, exportación ou reexportación, desde que se trate de efectos persoais ou efectos domésticos sen finalidade comercial contidos no equipaxe persoal dos viaxeiros que se despracen ou proveñan dun terceiro país fóra da UE. Esta excepción aplícase unicamente aos espécimes CITES sen finalidade comercial; polo tanto, non se inclúen os envíos por Internet e as importacións ou (re) exportacións realizadas por empresas ou persoas xurídicas.

As seguintes mercadorías non precisan  permiso ou  certificado CITES,  por ser considerados efectos persoais e / ou efectos domésticos*,  sempre que non excedan as cantidades que se indican, por persoa,  e sempre que se achegue proba da súa adquisición legal:

• Caviar de esturión (Acipenseriformes spp.): ata un máximo de  125 gramos  por persoa  en envases  individualmente marcados mediante etiquetas non reutilizables fixadas en cada envase. Se as etiquetas non selan o envase, este debe envasarse de xeito que permita detectar visualmente calquera apertura que se fixese do mesmo. Non se poderá mesturar caviar de diferentes especies  de Acipenseriformes¸ agás no caso de caviar prensado.

• Paus de chuvia  de  Cactaceae spp.,  ata  3  por persoa.

• Espécimes procesados mortos de  Crocodylia spp.: ata 4 por persoa, con excepción da carne e trofeos de caza.

• Cunchas de  Strombus (= Aliger)  gigas: ata  3  por persoa.

• Caballitos de mar (Hippocampus spp.): ata  4  espécimes  mortos por persoa.

• Cunchas de  Tridacnidae spp. (Ameixas xigantes): ata  3  espécimes  por persoa (sen que o seu peso exceda os 3 kg en total). Considérase un espécime ben unha cuncha completa ou ben dúas metades complementarias.

• Espécimes de madeira de ágar-ágar (Aquilaria spp. e  Gyrinops spp.): ata 1 kg de estelas de madeira, 24 ml de aceite e 2 xogos de contas ou rosarios (ou 2 colares ou brazaletes) por persoa.

Ademais dos anteriores, non necesitarán certificado CITES chamádosos “espécimes de recordo para turistas”, definidos na Resolución Conf. 13.7 (Rev. CoP17) de CITES como efectos persoais e efectos domésticos elaborados con especies incluídas nos Apéndices II ou III e adquiridos fóra do Estado de residencia habitual do propietario. Non é aplicable a espécimes vivos. A exención de permisos ou certificados CITES para este tipo de espécimes no ámbito da Unión Europea queda suxeita ao cumprimento dos requisitos establecidos na devandita normativa, podendo non aplicarse automaticamente aínda cando estea prevista no marco de CITES, e requirindose en todo caso a acreditación da súa adquisición legal e a ausencia de finalidade comercial. 

Para maior información e para os efectos de verificar o grao da afección á normativa sobre CITES do espécime, seus partes ou derivados ou da validez dos permisos que se presenten, solicitarase a información á Dirección Xeral de Biodiversidade, Bosques e Desertificación do Ministerio para a Transición Ecolóxica e o Reto Demográfico (bzn-cites@miteco.es)

Para considerarse “efectos persoais e / ou efectos domésticos”, os espécimes deben:

• Ser propiedade ou posesión persoal con fins non comerciais, quedando excluído o uso para ganancia comercial, venda e exhibición para fins comerciais, mantemento para a venda, ofrecemento para a venda ou transporte para a venda, e

• Ser legalmente adquiridos.

Nas operacións de importación, segundo o espécime,  débese solicitar:

Permiso de Importación: Este permiso cómpre para importar na Unión Europea (UE) espécimes de especies incluídas nos Anexos A ou B do Regulamento (CE) 338/97. A súa emisión está regulada no artigo 4 do devandito Regulamento, apartados 1, 2 e 6. A solicitude de importación debe realizarse antes da chegada da mercadoría á UE xa que debe valorarse se procede a autorización e emisión do permiso de importación (modelo que figura no anexo I do Regulamento (CE) 865/2006).

No momento da importación presentarase a mercadoría canda o permiso de importación e o orixinal do documento CITES estranxeiro (permiso de exportación ou certificado de reexportación do país de procedencia), á Aduana do primeiro punto de introdución na UE.

A Aduana debe diligenciar o recadro 27 do permiso de importación, entregando ao importador a copia para o titular. O orixinal do permiso de importación será remitido pola Aduana á Autoridade Administrativa CITES do país emisor.

A mercadoría non debe saír da UE antes de que fose autorizado o correspondente permiso e cumprido cos trámites de inspección e de aduanas para ese fin.

Nas operacións de exportación, segundo o espécime débese solicitar:

Permiso de Exportación: Este documento cómpre para exportar ou reexportar desde a UE espécimes de especies incluídas nos Anexos A, B ou C do Regulamento (CE) 338/97.

Debe ser solicitado e obtido con antelación á saída da mercadoría . A súa emisión regúlase no artigo 5 do Regulamento (CE) 338/97.

A Aduana debe cubrir o recadro 27 e entregar ao (re) exportador o exemplar orixinal (que presentará na Aduana do país de destino) e a copia para o titular. O exemplar copia será remitida pola Aduana á Autoridade Administrativa CITES do país que o emitiu.

A mercadoría non debe saír da UE antes de que fose autorizado o permiso e cumprido cos trámites de inspección e aduaneiros correspondentes.

O certificado CITES pode obterse a través da Dirección Xeral de Biodiversidade, Bosques e Desertificación do Ministerio para a Transición Ecolóxica e o Reto Demográfico.

Recoméndase solicitar o Permiso de Exportación polo menos con 15 días de antelación.

Se se cumpren os requisitos establecidos a Autoridade Administrativa CITES emitirá o correspondente permiso/certificado de (re) exportación. Ao solicitante se lle entregará o exemplar orixinal (nº 1), a copia para o titular (nº 2) e a copia que hai que devolver pola aduana á autoridade emisora (nº 3).

O Permiso Previo de Importación é un permiso que non é válido en si mesmo para realizar unha operación de importación, porén, é esixido polo país exportador ou (re) exportador antes de expedir un permiso/certificado de (re) exportación CITES para un espécime silvestre dunha especie incluída no Apéndice I do Convenio CITES. Unha vez obtido o documento de (re) exportación CITES o titular poderá solicitar o correspondente Permiso de Importación.

A súa emisión está regulada no artigo III, apartado 2, letra d) do Convenio CITES e no artigo 4, apartado 1 do Regulamento (CE) 338/97.

O prazo de validez máximo dos Permisos Previos de Importación é dun ano desde a súa data de expedición ; dentro deste prazo poderá solicitarse a (re) exportación da mercadoría no país de orixe/procedencia. Se o documento caduco antes de ser utilizado xa non será válido e debe ser devolto á Autoridade Administrativa CITES emisora.

• Certificado de propiedade privada: Permite a un particular viaxar por varios países durante 3 anos consecutivos coa súa mascota sen necesidade de obter un permiso de importación ou de exportación cada vez que entre ou saia da UE. Deben ser animais vivos incluídos nos Anexos A, B ou C do Regulamento (CE) 338/97 legalmente adquiridos cuxa posesión teña finalidade persoal (mascotas), nunca comercial.
• Certificado de exhibición itinerante: Permite a un circo ou outro tipo de exhibición itinerante viaxar por varios países durante 3 anos consecutivos sen necesidade de obter un permiso de importación ou de (re) exportación cada vez que entre ou saia da UE. Este Certificado é soamente válido para espécimes incluídos nos Anexos A, B ou C do Regulamento (CE) 338/97 legalmente adquiridos que formen parte dunha exhibición itinerante e para espécimes nados e criados en catividade, ou ben, para aqueles adquiridos antes da súa inclusión nos Apéndices/Anexos (pre-Convención).
• Notificación de importación: Necesaria para importar na Unión Europea espécimes das especies incluídos nos Anexos C e D do Regulamento (CE) nº 338/97.
• Certificado CITES UE: A realización de actividades comerciais no ámbito da UE de espécimes de especies incluídas no Anexo A do Regulamento (CE) 338/97 está prohibida. Enténdese como actividade comercial a compra, oferta de compra, adquisición, exposición ao público con fins comerciais, utilización con fins lucrativos e a venda, a posta en venda, o transporte ou a tenza para a venda. O control destas actividades recóllese no artigo 8 do Regulamento (CE) 338/97. Porén, poderanse conceder excepcións, estudado caso por caso, expedindose un Certificado CITES, válido unicamente para transaccións dentro da UE, en que se indiquen as actividades ás que poden destinarse os espécimes, só en determinados casos.