Dedución para o arrendatario polo alugamento da vivenda habitual

Desde o 1 de xaneiro de 2015 suprímese a dedución por alugamento da vivenda habitual. Non obstante, establécese un réxime transitorio que permite que che sigas beneficiando desta dedución se cumpres os seguintes requisitos:

• Celebraches un contrato de arrendamento con anterioridade a 1 de xaneiro de 2015 e satisfixeches, con anterioridade á devandita data, cantidades polo alugamento da túa vivenda habitual.

• Tiveches dereito á dedución por alugamento da vivenda habitual en relación coas cantidades satisfeitas polo alugamento da devandita vivenda nun período impositivo reportado con anterioridade a 1 de xaneiro de 2015.

Poderás deducir o 10,05% das cantidades satisfeitas no período impositivo polo alugamento da túa vivenda habitual, sempre que a túa base impoñible sexa inferior a 24.107,20 € anuais e, sen prexuízo da dedución por alugamento de vivenda habitual que, se é o caso, para cada exercicio, aprobase a túa Comunidade Autónoma.