Anticipo da dedución por vivenda habitual

Se es un traballador por conta allea podes solicitar unha redución en dous enteiros no tipo de retención aplicable ás túas rendas do traballo sempre que:

• a contía total das túas retribucións íntegras por rendementos do traballo procedentes de todos os teus pagadores sexa inferior a 33.007,20 € anuais

• efectúes pagamentos por préstamos destinados á adquisición ou rehabilitación da túa vivenda habitual (non se contempla a ampliación nin a construción)

• teñas dereito á dedución por investimento en vivenda habitual

• comuniques esta situación ao teu pagador. Podes utilizar o Modelo 145

• e, o tipo de retención non resulte negativo como consecuencia da redución.

Se es o pagador das rendas do traballo terás que tero en conta para calcular a retención que debes practicar aos teus empregados.

Prazos de presentación e efectos

Podes efectuar a comunicación desde o momento en que destines cantidades á adquisición ou rehabilitación da túa vivenda habitual.

A regularización do tipo de retención terá efectos desde a data en que o comunicas e, sempre que falten polo menos 5 días para confeccionar a nómina.

Non tes que reiterar esta comunicación en cada exercicio non sendo que se produzan variacións nos datos que inicialmente comunicaches.