Por que importes pódese deducir?

Podes deducir polas cantidades investidas durante o exercicio:

1. Para investimentos en adquisición, rehabilitación, construción ou ampliación da vivenda habitual: ata 9.040 € anuais.

   Este límite será único para o conxunto dos conceptos de investimento indicado e aplicarase en idéntica contía en tributación conxunta.

2. Por cantidades destinadas á realización de obras e instalacións de adecuación da vivenda habitual do contribuínte por razón de discapacidade: ata 12.080 € anuais. Este último límite é independente do límite de 9.040 € establecido para os restantes conceptos deducibles por investimento en vivenda habitual.

   Este límite aplicarase en idéntica contía en tributación conxunta.

   En ambos os dous casos, o eventual exceso das cantidades investidas sobre os devanditos importes non pode trasladarse a exercicios futuros.

Os contribuíntes que desexen exercer o dereito á dedución por investimento en vivenda habitual por cumprir os requisitos esixidos, estarán obrigados, en todo caso, a presentar declaración polo IRPF .