Aduana-agintariek prozedura abiaraztea, alderdi batek eskatuta edo ofizioz

Aduana-agintarien esku-hartzea eskatzen den estatu kidean edo estatu kideetan jabetza intelektualeko eskubideak urratu diren zehazteko prozedurak hasteko legitimitatea duten pertsona fisiko edo juridikoek aurkeztu ahal izango dute esku hartzeko eskaera.

• Aduana-agintarien esku-hartzea eskatzen den estatu kidean edo estatu kideetan jabetza intelektualeko eskubideak urratu diren zehazteko prozedurak hasteko legitimitatea duten pertsona fisiko edo juridikoek aurkeztu ahal izango dute esku hartzeko eskaera.

  Honela eskatu ahal izango dute esku-hartze bat eskubideen titularrek:

  • jabetza intelektualeko eskubide kolektiboak kudeatzeko erakundeak,
  • defentsarako erakunde profesionalak,
  • jabetza intelektualeko eskubideak erabiltzeko baimena duten pertsonak edo erakundeak, baldin eta eskubideen titularrak formalki eman badu jabetza intelektualeko eskubideak urratu diren zehazteko prozedurak hasteko baimena,
  • lizentzia esklusibo baten titularrak, baldin eta eskubideen titularrak formalki eman badie baimena.

• Esku hartzeko eskaera bat baimentzen denean, aduana-agintariek esku har dezakete susmatuz gero salgaiek jabetza intelektualeko eskubideren bat urratzen dutela.

  Baimena eman zaion estatu kidean eragina izango duen esku hartzeko eskaera nazionala edo baimena eman duen estatu kidean eta eskaera egin den gainerako estatu kideetan eragina izango duen Batasunaren esku hartzeko eskaera aukeratu ahal izango da.

• Aduana-agintariei jabetza intelektualeko eskubide bat urratzeagatik susmagarri diren salgaietan esku hartzeko eskaera orri honetako kudeaketetan agertzen den inprimaki elektronikoaren bidez aurkeztu beharko da. Inprimaki horrek EBko araudiak eskatzen duen informazio guztia jasoko du. 

  Erregelamenduaren 3. artikuluko 3. puntuan jasotako kasuetan izan ezik, eskaera nazional bat eta Europar Batasuneko beste estatu kide batentzako eskaera bat bakarrik aurkeztu ahal izango dira estatu kide horretan babestutako jabetza intelektualeko eskubide bererako. 3. artikuluko 3. puntuan jasotako kasuetan, Batasunaren eskaera bat baino gehiago onartuko da.

  Aduana-agintariek gehienez 30 eguneko epean baimendu beharko dute esku hartzeko eskaera.

• Eskaeran honako informazio hau jaso beharko da:

  a) Eskatzailearen datu pertsonalak.

  b) Eskatzailearen izaera.

  c) Eskatzaileak eskaera aurkezteko legitimitatea duela egiaztatzen duten agiriak.

  d) Eskatzaileak eskaera ordezkari baten bidez aurkezten badu, ordezkatzen duen pertsonaren datu pertsonalak eta ordezkaritza-ahalmena egiaztatzen duten frogak.

  e) Babestu beharreko jabetza intelektualeko eskubidea edo eskubideak.

  f) Batasunaren eskaeraren kasuan, esku-hartzea zein estatu kidetan eskatzen den.

  g) Benetako salgaiei buruzko datu espezifikoak eta teknikoak.

  h) Aduana-agintariek salgai horiek erraz ezagutzeko behar duten informazioa.

  i) Aduana-agintarientzat egokia den informazioa, arau-haustearen arriskua aztertu eta ebaluatzeko.

  j) Emandako informazioari tratamendu mugatua eman behar zaion.

  k) Legezko alderdiak edo gai teknikoak bere gain hartzeko eskatzaileak izendatutako edozein ordezkariren datu bereziak.

  l) Eskatzailearen konpromisoa, 608/2013 (EB) Erregelamenduaren 15. artikuluan aurreikusitako egoeretako edozein Aduana Departamentuari jakinaraztekoa.

  m) Eskatzailearen konpromisoa, aduana-agintarientzat egokia den edozein informazio jakinaraztekoa eta eguneratzekoa, dagokion jabetza intelektualeko eskubideak urratzeko arriskua aztertu eta ebaluatzeko.

  n) Eskatzailearen konpromisoa, bere erantzukizuna bere gain hartzekoa, 608/2013 (EB) Erregelamenduaren 28. artikuluan ezarritako baldintzen arabera.

  o) Eskatzailearen konpromisoa, 608/2013 (EB) Erregelamenduaren 29. artikuluan aipatutako kostuak bere gain hartzekoa.

  p) Eskatzailearen onespena, Batzordeak eta estatu kideek eskatzailearen datuak trata ditzan.

  q) Ea eskatzaileak, halaber, 608/2013 (EB) Erregelamenduaren 26. artikuluan aipatzen den prozedura aplikatzea eskatzen duen, eta, aduana-agintariek hala eskatzen dutenean, salgaiak suntsitzearen kostuak bere gain hartzea onartzen duen, aplikatu beharreko araudiaren arabera.

Salgaien titularrak eta erabakiaren titularrak, aldez aurretik eskatuta, eskuragarri jartzeko prozesua etenda daukaten edo atxikita dauden salgaiak ikuskatu ahal izango dituzte. Gainera, erabakiaren titularrak laginak ateratzeko eta bidaltzeko eskatu ahal izango du, bere kontura, analisiak egin ahal izateko eta gero faltsifikatutako salgaiei edo salgai piratei buruzko prozedura errazteko. Lagin horien edozein analisi erabakiaren titularraren erantzukizunpean egingo da, eta, inguruabarrek ahalbidetzen ez dutenean izan ezik, analisiak amaitu ondoren aduana-agintariei itzultzeko betebeharrarekin, eta, beranduen jota, salgaiak eskuragarri jarri edo atxikipena amaitu baino lehen. 

• Aduana-agintariek identifikatzen badituzte esku hartzeko eskaera baten babespean dagoen jabetza intelektualeko eskubide bat urratzeagatik susmagarri diren salgaiak, eten egingo dute salgaiak eskuragarri jartzeko prozesua, edo atxiki egingo dituzte.

   Atxikipen horren berri eman beharko diote salgaiaren titularrari, atxikipen hori egin eta lanegun bateko epean, eta, jarraian, erabakiaren titularrari, epe berean edo, ondoren, ahalik eta lasterren.

   Era berean, zenbateko erreala edo zenbatetsia eta salgaien izaera jakinaraziko dizkiete bi titularrei, eta, hala dagokionean, salgaien irudi erabilgarriak erantsiko dituzte. Aduana-agintariek, aldez aurretik eskatuz gero eta informazio hori izanez gero, honako datu hauek ere emango dizkiote erabakiaren titularrari: salgaien hartzailearen, bidaltzailearen, aitortzailearen edo titularraren izenak eta helbideak, bai eta eskuragarri jartzeko prozesua etenda daukaten edo atxikita dauden salgaien aduana-erregimena, jatorria, etorkia eta helmuga ere (608/2013 (EB) Erregelamenduaren 17. artikuluko 4. atala).