Errenta aitorpena egiteko telefonoz deitzen dizutenean prest izan behar duzun informazioa eta dokumentazioa errenta-aitorpena telefonoz egiteko

Zure errenta-aitorpena TELEFONOZ egiteko HITZORDUA hitzartu baduzu:

Zerga Agentziak 810520052 telefonotik deituko dizu adierazi diguzun telefono-zenbakira (edo 917276222 telefonotik, atzerriko telefono-zenbaki bat adierazi badiguzu).

Baliogabetu zure hitzordua ezin bazara joan (24 ordu lehenago)

GOGOAN IZAN guk deitu aurretik zure DATUAK ETA DOKUMENTUAK prest edukitzea:

• Telefonoz erantzuteko eta zure errenta-aitorpena aurkezteko, titularrak bertan egon behar du (deia grabatu egingo da). Identifikatu ahal izateko, Cl@ve PINen erregistratuta bazaude, eskura izan beharko duzu erregistratzean adierazi zenuen mugikorra; bestela, aurretik Internet bidezko erreferentzia-zenbakia lortu beharko duzu.

  Eskuratu zure erreferentzia-zenbakia

• Zure egoera pertsonalari buruzko dokumentazioa eraman prest eduki behar duzu, eta, betiere:

  • Hitzordura joaten den titularraren jatorrizko NANa eta aitorpenean agertzen diren pertsona guztien NANaren fotokopia.

  • Banku kontuaren IBAN zenbakia.

  • Zure jabetzako higiezin guztien katastroko erreferentziak edo alokairuan edo beste egoera batzuetan bizi zarenenak (OHZren ordainagiria).

• Kenkari autonomikoak edo bestelako onura fiskalak jasotzeko eskubidea ematen duen edozein egiaztagiri. Honela:

  • Alokatutako higiezin batean bizi bazara, errentatzailearen IFZ eta alokairuagatik ordaindutako zenbatekoak behar dituzu.

  • Ohiko etxebizitza erosteagatik, mailegua handituta: jatorrizko maileguan amortizatzeko dauden saldoak.

  • Hipotekaduna: aseguruen ordainagiriak.

  • Dohaintzengatik: egiaztagiriak, etab.

Gainera, honako dokumentu hauek prestatu behar dituzu, baldin eta 2021. urtean errenta motaren bat jaso baduzu eta datu fiskaletan agertzen ez badira:

• Lanaren etekinengatik:

  • Ordaintzaileak igorritako ziurtagiria.

  • Sindikatuei ordaindutako kuoten eta elkargo profesionalei ordaindutako kuoten zenbatekoa (elkargoko kide egitea nahitaezkoa bada).

  • Elkargoko kide egitea nahitaezkoa bada, elkargo profesionalei ordaindutako kuoten zenbatekoa.

  • Zergadunaren eta etekinak jasotzen dituen pertsonaren arteko harremanean sortutako auzien ondoriozko defentsa juridikoaren gastuak.

• Kapital higiezinaren etekinengatik:

  • Diru-sarreren frogagiriak (kontratuak...) eta gastu kengarriak (fakturak...), jabe edo gozamenduna zaren pisuen, lokalen, garaje-plazen eta abarren alokairuengatik.

  • Datu guztiak erlazionatzen laguntzeko, bete dokumentu hau:

    Alokairuen datuak betetzeko eredua

• Kapital higigarriaren etekinengatik:

  • Enpresen, finantza-erakundeen eta aseguruen ziurtagiriak, kontratuak, altxorraren letren, obligazioen edo bestelako aktibo finantzarioen transmisioetako gastuen ordainagiriak, etab.

  • 1994/12/31 baino lehen kontratatutako asegurua kobratu baduzu, jasotako kapitalaren zenbatekoa.

• Ohiko etxebizitza saltzeagatiko ondare irabaziak eta galerak:

  • Erosketa- eta salmenta-eskriturak.

  • Eskuratze eta eskualdatze datak.

  • Benetako zenbatekoak, erosketako eta salmentako gastuak eta tributuak.

  • Eskualdatutako etxebizitzagatik kenkariak aplikatu diren ekitaldietako aitorpenak.

  • Hipoteka-maileguen datuak eta salmenta datan amortizatu gabe dagoen kapitala.

• Akzioak, higiezinak edo bestelako ondasunak, inbertsio-funtsak, sariak, dirulaguntzak eta abar saltzeagatiko ondare irabaziak eta galerak:

  • Eskriturak edota egiaztagiriak.

  • Eskuratze eta eskualdatze datak.

  • Benetako zenbatekoak, erosketako eta salmentako gastuak eta tributuak.

  • Inbertsio-funtsen ziurtagiriak.

  • Sarien egiaztagiria

  • Dirulaguntzen egiaztagiria...

• Zoru-klausuletatik jasotako interesak itzultzeagatiko erregularizazioa:

  • Finantza-erakundearen ziurtagiria, zoru klausula baliogabekoengatik kobratutako gehiegizko interesa zein ekitalditan dagokion adierazten duena.

  • Agindu gabeko ekitaldietako aitorpenak, non ohiko etxebizitzagatiko kenkaria aplikatu zen, edo jarduera ekonomikoen etekinengatiko edo kapital higiezinagatiko gastu kengarrien barruan sartu ziren.