Nabigazioa

Ezaugarriak / elementuak / nagigazio-tresnak

Egoitza elektroniko hau nabigazioa ahalik eta gehien errazteko diseinatuta dago, zerga, fiskalitate, aduana, bilketa eta beste hainbat alorretarako dituen hiru milatik gorako gestio eta, halaber, informazio, estatistika-fitxategi, eskuliburu, bideo, albiste eta abarren kopuru handia ahalik eta azkarren eta errazen aurkitu eta horietara sartzeko.

Nabigazioa errazteko, ezaugarri, elementu eta tresna hauek ditu:

Egitura:

Nabigaziorako lehen ezaugarri garrantzitsua egoitzaren egitura bera da. Egitura hori informazio- edota kudeaketa-bloke batzuek osatzen dute, hala nola: Langileen arloa, Zerga Agentziari buruz, Informazioa eta kudeaketak, Kudeaketa guztiak, Nabarmenduak, Sartu zuzenean, Aktualitatea, Eskuliburuak, bideoak eta liburuxkak, eta Oina.
Bloke guztiak hainbat gaik osaturik daude, eta, aldi berean, gai bakoitzak azpi-gai bat baino gehiago ditu, eta oso erraza da gai edo azpigai batetik bestera aldatzea.
Gainera, bloke garrantzitsuenetako gaiek (Informazioa eta kudeaketak, Zerga Agentziari buruz, Nabarmenduak) ikono adierazgarri bat dute, itxura oso minimalistarekin, gaiak bisualki identifikatu ahal izateko.

Aurkezpenaren estiloa:

Nabigazioa errazteko bigarren ezaugarri garrantzitsua aurkezpen-estiloa da, eta bere ezaugarria da hiru koloretako tipografia erabiltzen duela: urdina, beltza eta zuria hondo urdinaren gainean, zenbait lekutan, hala nola goiburuan, menu-barran edo Oinean. Testu urdin (hondo urdinaren gainean diren zuri) guztiak klikagarriak dira, eta kolore morera aldatzen dira behin hor sartzen denean.

Menu-barra:

Menu-barra funtsezko elementua da nabigaziorako. Barra hori egoitzaren orrialde guztietan erreproduzitzen da (kudeaketen berezko pantailetan izan ezik), eta, horrela, klik eginez, "Zerga Agentziari buruz", "Informazioa eta kudeaketak" edo "Kudeaketa guztiak" multzoetako edozein gaira sar daiteke egoitzako beste edozein orritatik.

Azalpen-testuak:

Hirugarren ezaugarria da, oro har, testu klikagarri guztiek azalpen-testu labur bat dutela lotuta, testu horren edukiaren berri emateko eta, horrela, testu horiek zer duten jakiteko, testu horietara sartu beharrik gabe.

Nabigazio-mailak:

Kudeaketa, fitxategi, eskuliburu eta abar kopuru handia izan arren, nabigazio-mailen kopurua, gehienez jota, 4ra edo 5era murriztea lortu da; hala ere, kudeaketa garrantzitsu eta erabilienetako hein handi batera (nabarmendutako kudeaketak) sartzeko bi nabigazio-maila besterik ez dira behar.

Kudeaketa nabarmenen osagaiak:

Elementu hori gai/azpigai baten kudeaketa nabarmenetarako estekak biltzen dituen kutxa bat da, eta gai edo azpigai bakoitzaren hasieran agertzen da beti, hala dagokionean; horrela, bi edo hiru nabigazio-maila besterik ez dira behar egoitzako gestio garrantzitsuenetara eta erabilienetara heltzeko. Horrez gain, gaiaren edo azpigaiaren kudeaketa guztien beste esteka bat ere badu, eta hain ohikoak ez diren kudeaketak aurkitu daitezke bertan.

Kudeaketak vs informazioa:

Beste ezaugarri garrantzitsuetako bat edukiak aurkezteko jarraitutako printzipioa da, hau da, edukiak aurkezteko kudeaketak eta informazioa ahalik eta bateratuen egotea, kudeaketa jakin bat egiteko moduari buruz informatzerakoan leku batetik bestera nabigatu beharrik ez izateko.

Bide-izena edo Ogi-apurrak:

Bide-izena ("Ogi-apurrak") nabigaziorako elementu garrantzitsu bat da. Orrialde bakoitzaren goiko aldean ageri da, orrialde bakoitzeko menu-barraren ondoren. Horri esker, edozein unetan jakin daiteke non gauden, eta bide-izen horren aurreko maila batera ere itzul gaitezke, bertan klik eginez.

Informazio-orri anizkoitzak (orrialde-zenbakiarekin):

Gai bati buruzko informazioa oso zabala denean, informazio hori orri anitzetan edo zenbakituetan aurkezten da. Orri horiek, alde batetik, aurkibide bat dute, nahi den kapituluan zuzenean sartzeko aukera ematen duena, eta, bestetik, orrialde batzuetatik besteetara nabigatzen joatea eskaintzen dute, "hurrengo orrialdea" edo "aurreko orrialdea" botoien bidez. Informazio-orriek, gainera, eskuineko zutabean kudeaketetarako estekak, araudia, erlazionatutako edukiak eta abar izan ditzakete.

Barne-bilatzailea:

Bukatzeko, Barne-bilatzailea da egoitza berrian dagoen edozein informazio edo kudeaketa aurkitzeko elementu edo, hobeto esanda, tresna oso garrantzitsu bat. Menu-barran dago, eta beraz, egoitzako edozein tokitatik hel daiteke bertara.

Bilatzaileak, lehenik eta behin, bere kutxan sartutako terminoa, esaldia edo testua bilatzeko aukera ematen du, eta emaitzak aurkeztu ondoren (oro har, asko izango dira), emaitzen kopurua murrizteko hainbat mekanismo ditu, hala nola:

• Iragazkiak: Hainbat iragazki ditu, eta "Informazio mota" izenekoa da garrantzitsuena.
• Bilaketa aurreratua: "Gehiago" botoiaren bidez aktibatzen den funtzionaltasuna, baldintza jakin batzuk betetzen dituzten edukiak bilatzeko aukera emanez, hala nola esaldi zehatzak, bilatzen diren hitz guztiak dituztenak, etab.