Jokoaren gaineko tasa fiskala. Joko-kasinoak
Ceuta eta Melillan baimenduta eta ezarrita dauden kasinoengatiko jokoaren gaineko tasari buruz kontuan hartu beharreko alderdi guztiak zehaztuko dizkizugu.
044 eredua aurkeztera behartuta daude Ceutan eta Melillan baimendutako eta ezarritako kasino-aretoak.
Subjektu pasiboa izango da administrazio-baimena edo ustiatzeko baimena eman zaiona. Halaber, egiten diren lokaletako jabeak eta enpresaburuak izango dira tasaren erantzule solidarioak.
Zerga-zorraren ordainketa eta tasaren aurkezpena hiru hilean behin ordaindu eta aurkeztu beharko da, apirileko, uztaileko, urriko eta urtarrileko lehen hogei egunetan.
Jokoaren ondorioz lortzen dituzten diru-sarrera gordinek osatuko dute zerga-oinarria. Diru-sarrera gordintzat joko da jokotik lortutako diru-sarreren zenbateko osoaren eta jokalariei beren irabaziengatik ordaindutako kopuruen arteko aldea.
Hauxe da 2018ko uztailaren 4tik aurrera kasinoetan egindako jokoak zergapetzen dituen jokoaren gaineko tasa fiskalaren tarifa:
|
Eurotan sartutako zerga-oinarriaren zatia |
Tasa aplikagarria - Ehunekoa |
|
0 eta 1.322.226,63 artean. |
10 |
|
1.322.226,64 eta 2.187.684,06 artean. |
17,5 |
|
2.187.684,07 eta 4.363.347,88 artean. |
22,5 |
|
4.363.347,88 baino gehiago. |
27,555 |
Zerga-tarifa urtekoa da, baina hiru hilean behin aplikatuko zaie urtearen hasieratik hiruhilekoaren azken egunera arte lortutako diru-sarrera gordinei.
Zerga-oinarriaren tarte bakoitza tarifari dagokion tasaren arabera zergapetuko da, eta kuota osoa lortutako emaitza partzialen batura izango da. Hortik urte bereko aurreko hiruhilekoan edo hiruhilekoetan sartutakoaren zenbatekoa kenduko da, eta aldea sartu beharreko zifra izango da.
Jarduera urtea hasi ondoren hasten bada, metaketa urte naturalarekin batera hasiko da, eta, nolanahi ere, urte naturalaren amaieran amaituko da.
Gogoratu: Tasa horiek aldatu egin ditu Estatuaren 2018rako Aurrekontu Orokorrei buruzko uztailaren 3ko 6/2018 Legeak. Lege horren 86. artikuluan, Ceuta eta Melillarako karga-tasen % 50eko hobaria sartzen da, eta, horretarako, otsailaren 25eko 16/1977 Errege Lege Dekretuaren 3. artikuluaren 4. zenbakia aldatzen da (16/1977 Errege Lege Dekretua, zorte-, enbido- edo ausazko jokoen alderdi penalak, administratiboak eta fiskalak arautzen dituena).
Aurkezteko lekuak eta epea
Tasaren autolikidazioa 044 ereduan egiten da, zerga-oinarriaren zatiei karga-tasak aplikatuz eta aurreko hiruhilekoetan sartutakoa kenduz.
Emaitza sarrera izan daiteke edo ezezkoa.
Tanto si se ha ingresado su importe como si sale negativa, deberás presentar el ejemplar para la Administración (ejemplar para el sobre anual) en las Delegaciones de Ceuta y Melilla, para lo cual deberás obtener Asistencia y Cita en el servicio 152: