Zer dira errenta salbuetsiak?

Zure PFEZ aitorpenean errenta guztiak sartu behar dituzu, hau da: lanaren, kapital higigarriaren eta higiezinaren etekinak, jarduera ekonomikoak gauzatzearen ondoriozkoak, ondare-irabazi eta -galerak, eta legez ezarritako errenta-egozpenak.

Hala ere, zenbait kasutan, zergapeko egitatea (errentak lortzea) gertatu arren, ez da zergak ordaintzeko betebeharrik sortzen; hori gertatzen denean, errenta salbuetsia dugu aurrean.

PFEZren araudian edo beste lege batean berariaz halakotzat jotzen den errenta baino ez dago salbuetsita. Ezin da salbuespena aipatu legeetan jasotako kasuetatik kanpo.

Errenta salbuetsiak ez dira kontuan hartzen aitorpena egiteko betebeharraren muga zehazteko, eta salbuespenak salbuespen, ohiko etxebizitzan berrinbertitzeagatiko salbuespenaren kasuan, adibidez, ez dituzu zure aitorpenean sartu behar.