Nola kalkulatzen dut kendu beharreko BEZa, kenkari-eskubidea ematen duten eta kenkari-eskubiderik ematen ez duten beste eragiketa batzuk batera egiten ditudanean?

Zure jardueran kenkarirako eskubidea ematen duten eragiketak egiten badituzu, kenkarirako eskubidea ematen ez duten beste eragiketa batzuekin batera, eragiketa horien zati bat bakarrik kendu ahal izango duzu, eta hainbanaketa-araua aplikatu beharko duzu.

Hainbanaketa kalkulatzeko, honako kopuru hauek zatitu behar dira:

• Zenbakitzailea: urte naturalean egindako ondasun-emateen eta zerbitzu-prestazioen zenbatekoa, kenkarirako eskubidea sortzen badute (zerga-oinarria bakarrik, BEZik gabe).

• Izendatzailea: urte naturalean egindako ondasun-emateen eta zerbitzu-prestazioen zenbateko osoa, kentzeko eskubiderik sortzen ez duten eragiketak barne. (zerga-oinarria bakarrik, BEZik gabe).

Emaitza 100 zenbakiarekin biderkatzen da.

Horrela lortutako ehunekoa goiko unitatera biribiltzen da.

Hainbanaketa orokorra edo berezia izan daiteke.

Hainbanaketa orokorra aurreko ehunekoan jasandako BEZ kuota guztiak kentzean datza.

Hainbanaketa berezia ondasunak eta zerbitzuak eskuratzean jasandako BEZa helburuaren arabera kentzearen emaitza da. Beraz, ondasuna kenkarirako eskubidea ematen duen jarduera batean erabiltzen bada, jasandako BEZa bere osotasunean kenduko da, eta kenkarirako eskubidea sortzen ez duen jarduera batean erabiltzen bada, ezingo du inolako kuotarik kendu. Azkenik, ondasuna bi jarduera motei eragiten badie, jasandako BEZa hainbanaketa-ehunekoaren arabera kenduko da.

Nahitaezkoa izango da hainbanaketa berezia aplikatzea, baldin eta kenkari orokorra aplikatuta kenkari bereziaren % 10 baino handiagoa bada.

Hainbanaketako kalkulagailua duzu eskura zure kalkuluak egiteko.