Ez-egoiliarren ordezkari eta erantzule solidarioak Ondarearen gaineko Zergan

Bizilekua Espainian duen pertsona fisiko edo juridiko bat izendatu beharko dute ez-egoiliarrek, zerga honengatik dituzten betebeharrei dagokienez zerga-administrazioaren aurrean ordezka ditzan, honako kasu hauetan:

• establezimendu iraunkor baten bitartez jarduten dutenean, edo

• Espainiako lurraldean kokatutako subjektu pasiboaren ondarearen zenbatekoa eta ezaugarriak direla-eta, zerga-administrazioak hala eskatzen duenean,

Nolanahi ere, ez-egoiliarren ondasunen edo eskubideen gordailuzainak edo kudeatzaileak erantzukizun solidarioa izango du zerga honi dagokion tributu-zorraren ordainketagatik, gordailututako edo kudeatu behar dituen ondasun edo eskubideengatik.