Establezimendu iraunkorraren definizioa

Jarduera ekonomikoak egiten dituen pertsona fisiko edo juridiko bat Espainiako lurraldean establezimendu iraunkor baten bidez aritzen dela ulertuko da, edozein titulu dela medio, bertan, modu jarraituan edo ohikoan, edozein motatako instalazioak edo lantokiak dituenean, non jarduera osoa edo zati bat egiten duen, edo bertan jarduten duenean, egoiliar ez denaren izenean eta kontura kontratatzeko baimena duen agente baten bidez, ahalmen horiek ohikotasunez gauzatzen baditu.

Zehazki, honako hauek osatzen dute establezimendu iraunkorra: zuzendaritzako egoitzak, sukurtsalak, bulegoak, fabrikak, tailerrak, biltegiak, dendak edo beste establezimendu batzuk, meategiak, petrolio- edo gas-putzuak, harrobiak, nekazaritza-, basogintza- edo abeltzaintza-ustiategiak edo baliabide naturalak esploratzeko edo erauzteko beste edozein leku, eta 6 hilabetetik gorako iraupena duten eraikuntza-, instalazio- edo muntaketa-obrak.

Establezimendu iraunkorrak ez du berezko nortasun juridikorik. Entitate ez-egoiliarren establezimendu iraunkorrek ez dute beren etxe nagusia ez den beste nortasun juridikorik.