Bi estatutan bizitzea

Pertsona bat bi estatutan bizi dela esan daiteke, bakoitzak bere barne-araudia aplikatzean. Kasu horietan, herrialde horiek sinatutako hitzarmenera jo beharko da (halakorik badago). Hitzarmen horietan, pertsona bat bi estatuetan egoiliartzat ez hartzeko arauak ezartzen dira, zerga-ondorioetarako. Oro har, arau horien arabera, egoiliarra izango da:

1. Etxebizitza iraunkor bat eskura duen estatukoa. Etxebizitza iraunkor bat bi estatuetan eskura izanez gero, harreman pertsonal eta ekonomiko estuenak dituen estatuan bizi dela ulertuko da.

2. Horrela ezin bada zehaztu, normalean bizi den estatuko egoiliartzat hartuko da.

3. Bi estatuetan bizi ohi bada, edo estatu horietako batean ere bizi ez bada, herritarra den estatuko egoiliartzat joko da.

4. Bietako herritarra bada, edo ezein estatutako herritarra, agintari eskudunek adostasunez ebatziko dute kasua.