Nork du kenkari hori aplikatzen jarraitzeko eskubidea?

2013ko urtarrilaren 1etik aurrera, kasu hauetan bakarrik aplika dezakezu ohiko etxebizitzan inbertitzeagatiko kenkaria, dagokion aldian ordaindutako kopuruengatik:

1. Zure ohiko etxebizitza erosi baduzu edo 2013ko urtarrilaren 1a baino lehen hura eraikitzeko zenbatekoak ordaindu badituzu.

2. Ohiko etxebizitza birgaitzeko edo handitzeko obrengatik zenbatekoak 2013ko urtarrilaren 1a baino lehen ordaindu badituzu, betiere obra horiek 2017ko urtarrilaren 1a baino lehen amaitu badira.

3. Desgaitasuna duten pertsonen ohiko etxebizitza egokitzeko obrak eta instalazioak egiteko zenbatekoak 2013ko urtarrilaren 1a baino lehen ordaindu badituzu, betiere obra edo instalazio horiek 2017ko urtarrilaren 1a baino lehen amaitu badira.

Nolanahi ere, ohiko etxebizitzagatiko kenkaria aplikatu ahal izateko, 2012an edo aurreko urteetan etxebizitza horrengatiko kenkaria aplikatu izana eskatzen da, salbu eta oraindik aplikatu ezin izan baduzu, bertan inbertitutako zenbatekoak ez duelako gainditu berrinbertsioagatik salbuetsitako zenbatekoa edo aurreko etxebizitzen benetako kenkari-oinarriak.