5.3. Ascendentes maiores de 65 anos ou discapacitados
Neste apartado relacionaranse:
Os ascendentes do «Primeiro declarante» e do «Cónxuxe», que dean dereito á aplicación do mínimo por ascendentes.
-
NIF
Farase constar o número de identificación fiscal (N.I.F.) de cada unha das persoas relacionadas.
Atención: para poder imprimir os modelos oficiais o programa esixe reflectir necesariamente o NIF dos ascendentes relacionados.
-
APELIDOS E NOME
Consignaranse os dous apelidos e o nome de cada unha das persoas relacionadas.
-
DATA DE NACEMENTO
Indicarase o día, mes e ano de nacemento de cada unha das persoas relacionadas.
-
DATA DE FALECEMENTO
Indicarase o día e o mes do exercicio 2018 en que se producise o falecemento dos ascendentes. Debemos de ter en conta que no caso de falecemento do ascendente, a convivencia debe haberse producido durante, polo menos, a metade do período transcorrido entre o un de xaneiro e a devandita data.
-
DISCAPACIDADE (grao)
No caso de que, considerando a situación existente o día 31-12-2018 algunha das persoas relacionadas poida acreditar un grao de discapacidade igual ou superior ao 33 por 100, reflectirase o grao de discapacidade recoñecido entre os que se indican a continuación:
-
Discapacidade en grao igual ou superior ao 33 %e inferior ao 65 % (para o caso de non estar na situación 2)
-
Discapacidade en grao igual ou superior ao 33 %e inferior ao 65 %, se se acredita necesitar axuda de terceiras persoas ou mobilidade reducida.
-
Discapacidade en grao igual ou superior ao 65 %
- Incapacitación xudicial por sentenza da xurisdición civil.
Polos ascendentes discapacitados cuxa discapacidade fose declarada xudicialmente deberase indicar como mínimo un grao de discapacidade do 65 por 100, aínda que non acaden o devandito grao.
-
-
VINCULACIÓN
De cada un dos ascendentes relacionados farase constar a clave que corresponda de que se indican a continuación:
"D" = Ascendente do «Primeiro declarante».
"C" = Ascendente do «Cónxuxe».
-
CONVIVENCIA CON VARIOS DESCENDENTES
Unicamente cubrirase o recadro "Convivencia" cando algún dos ascendentes relacionados neste apartado, ademais de depender e convivido co «Primeiro declarante» ou co «Cónxuxe» polo menos durante a metade do exercicio, dependese e convivido, tamén polo menos durante a metade do exercicio, con outros descendentes do mesmo grao. No caso de falecemento do ascendente, que o contribuínte convivise polo menos a metade do período que media entre o un de xaneiro e a data de falecemento. Con esta finalidade deberase cubrir nos recadros do ascendente, a data de falecemento durante o exercicio 2018.
En tales supostos, se dous ou máis contribuíntes teñen dereito á aplicación das reducións por idade, asistencia ou discapacidade, o seu importe ratearase entre eles por partes iguais, polo que se fará constar no recadro "Convivencia" o número total de descendentes do mesmo grao, incluído o propio contribuínte, de que o ascendente dependese en 2018 e cos que así mesmo convivise durante, polo menos, a metade do período mencionado anteriormente.
Por exemplo, se o pai do «Primeiro declarante» dependeu e convivido durante todo o ano 2018 co devandito contribuínte e, simultaneamente, con outro dos seus fillos, no recadro "Convivencia" consignarase o número 2, que é o número total de descendentes do mesmo grao (fillos, neste caso) de que dependeu e cos que conviviu en 2018 o pai do «Primeiro declarante».
Adicionalmente, se tivese dereito á dedución por ascendente discapacitado, deberá encher os datos que, adicionalmente, se lle solicitan. A formalización deste apartado éxpónse dentro da dedución propiamente dita.