Valor da mercadoría

Valor de transacción. Axustes sobre o valor de transacción

Para determinar o valor en aduana sumaranse ao prezo realmente pago ou por pagar:

1. os seguintes elementos na medida en que o soporte o comprador e non estean incluídos no prezo realmente pagado ou que debe pagarse polas mercadorías:
   • as comisións e os gastos de corretaxe, agás as comisións de compra
   • o custo dos envases que, a efectos aduaneiros, formen un todo coa mercadoría
   • o custo de embalaxe (man de obra e materiais)
2. o valor, imputado en forma axeitada, dos seguintes bens e servizos, cando  fosen fornecida directa ou indirectamente polo comprador, gratuitamente ou a prezos reducidos, e utilizados na produción e venda para a exportación das mercadorías importadas, na medida en que o devandito valor non estea incluído no prezo realmente  pagado ou por pagar:
   • materiais, compoñentes, partes e elementos similares
   • ferramentas, matrices, moldes e obxectos similares
   • traballos de enxeñaría, de desenvolvemento, artísticos e de deseño, planos e bosquexo, realizados fóra da Unión e necesarios para a produción  das  mercadorías  importadas
3. os canons e dereitos de licenza relacionada coas  mercadorías  obxecto de valoración, que o comprador estea obrigado a pagar, directa ou indirectamente, como condición da venda das devanditas mercadorías,  na medida en que tales canons e dereitos de licenza non estean incluídos no prezo realmente  pagado ou por pagar
4. o valor de calquera parte do produto dunha posterior revenda, cesión ou utilización  das mercadorías importadas, que reverta directa ou indirectamente ao vendedor
5. os seguintes custos ata o lugar por onde se introducen as mercadorías no territorio aduaneiro da Unión:
   • os gastos de transporte e de seguro das mercadorías importadas
   • os gastos de carga e de manipulación asociada ao transporte das mercadorías importadas

Ao determinar o valor en aduana, non se incluirán  os seguintes elementos:

• os gastos de transporte das mercadorías importadas, despois da súa entrada no territorio aduaneiro da Unión
• os gastos de construción, instalación, montaxe, mantemento ou asistencia técnica, realizados despois da entrada das mercadorías importadas no territorio aduaneiro da Unión
• intereses derivados dun acordo de financiamento concertado polo comprador
• dereitos  de reprodución na Unión das mercadorías importadas
• as comisións de compra
• os dereitos de importación e outros gravames pagadoiros na Unión como consecuencia da importación ou a venda das mercadorías