Solicitude de días de cortesía para o envío de notificacións electrónicas

Como solicitar os días de cortesía. Apoderados

Xestión de días de cortesía propia do apoderado

Se accedes cun certificado que teña confirmado o apoderamento GENERALNOT ou algún outro apoderamento específico de notificacións, pódense modificar os días propios do titular do certificado (apoderado) desde o botón "Modificar", sempre que se encontre subscrito a algún do procedemento de notificacións electrónicas en nome propio ou se está en NEO. Neste caso aparecerá o calendario para que poida seleccionar os días que necesite entre os dispoñibles.

Recoméndase asignar os días de forma masiva dos mandantes e que estes días coincidan cos os seus propios (apoderado).

Se o apoderado non se encontra subscrito aos procedementos de notificacións electrónicas non se mostrará o calendario para xestionar os seus propios días. Só se permitirá xestionar os días de cortesía dos mandantes seleccionados.

Xestión de días de cortesía dos mandantes

Se o titular do certificado electrónico co que se accedeu ten confirmado o apoderamento GENERALNOT, na aplicación para seleccionar os días cortesía aparecerá a opción "Xestionar Períodos Cortesía Mandantes". Hai que ter en conta que, os días de cortesía réxense polos días que teña asignado o contribuínte, non os que teña asignados o apoderado, agás naqueles casos en que o mandante (contribuínte) non estea en NEO nin subscrito voluntariamente a procedementos, nese caso os días de cortesía que se consideran son os do apoderado.

As opcións de xestión de períodos de cortesía son:"Consultar/Modificar mandantes", "Consultar Períodos de Cortesía de Mandantes", Asignación masiva Período de Cortesía a Mandantes" e "Clonación masiva Período de Cortesía a Mandantes"

Asignación masiva Período de Cortesía a Mandantes

Desde a opción "Asignación Masiva de Período de Cortesía a Mandantes ano 20XX" poderás seleccionar os mandantes que consideres oportuno para asignarlles de forma colectiva os mesmos días de cortesía que solicitase o apoderado para si mesmo a partir do día que apareza indicado no aviso.

Permite:

• Buscar por NIF ou Nome
• Filtrar en función de se teñen días de cortesía asignada ou non

Marca os mandantes que desexes e fai clic en "Aceptar" e "Asinar e Enviar" para efectuar a solicitude.

Unha vez procesada a asignación masiva mostrarase unha xanela de resposta coa listaxe do NIF e CSV correspondentes a cada unha das asignacións. Ademais, xerarase un documento  PDF ("Recibo de presentación") en que consta toda a información referente á actualización masiva de períodos de cortesía realizada.

Cando algún NIF non aparece, débese a que este non se encontra dado de alta en NEO nin subscrito voluntariamente a procedementos de notificacións. En cuxo caso, os días asignados son os mesmos que os que teña o apoderado.

Clonación masiva Período de Cortesía a Mandantes

Desde a opción "Clonación masiva Período de Cortesía a Mandantes (20XX a 20XY)" poderás seleccionar os mandantes que considere oportuno para asignarlles de forma colectiva para o próximo ano os mesmos días de cortesía que solicitase o apoderado para si mesmo no presente ano.

Marca os mandantes que desexes e fai clic en "Aceptar"; aparecerá unha xanela cos mandantes seleccionados e unha ligazón para poder ver os días resultantes. A continuación fai clic en "Asinar e Enviar" para deixar rexistrada a clonación de días de cortesía. Mostrarase un resgardo, non recuperable posteriormente, non sendo que se anoten os CSV nese momento.