Pagamento de liquidacións e débedas mediante tarxeta ou Bizum. Obtención dun NRC

Para acceder ao pagamento de liquidacións / débedas mediante tarxeta ou Bizum entra en "Todas as xestións" do apartado "Pagar, aprazar e consultar" da nosa Sede electrónica e elixe "Liquidacións/Débedas - Pagamento con tarxeta ou Bizum" dentro de "Pagar liquidacións/débedas". Este trámite non require identificación electrónica.

En formulario, indica o modelo da liquidación e o número de xustificante que aparecen na carta de pagamento. Tamén, debes cubrir e revisar os datos identificativos do contribuínte e o importe. A continuación, escolle o medio de pagamento entre "Pagamento con tarxeta" ou "Pagamento con Bizum".

Tras introducir e revisar os datos, pulsa o botón "Aceptar datos e Continuar".

No seguinte paso "2. Enviar Solicitude", se mostrará un resumo dos datos introducidos; comproba que os datos sexan correctos xa que unha vez realizado o ingreso non poderás anularo por Internet. Se é correcta marca o recadro "Conforme" e pulsa o botón "Asinar e Enviar".

A continuación, dependendo do tipo de pagamento seleccionado, con tarxeta ou con Bizum, deberás seguir estes pasos.

• Pagamento con tarxeta

  Obterás un resumo dos datos do pagamento que vas realizar para Axencia Estatal de Administración Tributaria (ESPAÑA), importe, data e modelo entre outros. Indica o número de tarxeta e o resto de datos que se solicitan. Pulsa "Pagar" e continúa coas instrucións que che ofreza a túa Entidade Financeira. Unha vez realizado o pagamento regresa á páxina da AEAT.

  

• Pagamento con Bizum

  Introduce o número de teléfono rexistrado en Bizum e pulsa o botón "Continuar coa compra ". Avísase de que cómpre ter o teléfono móbil preto para finalizar o pagamento xa que se dispón de 4 minutos para realizar a operación.

  

  

  A continuación, no teléfono, o banco en que temos activo Bizum enviará unha notificación cos detalles do Bizum pendente e que necesitas autorizar; segue as instrucións da aplicación da túa Entidade Bancaria. A aparencia destas xanelas pode variar xa que depende da entidade bancaria coa que se teña asociado o servizo Bizum.

  

Se todo é correcto visualízase en pantalla o NRC ou Número de Referencia Completa. Trátase do código de 22 caracteres que se xera como xustificante do pagamento.

Podes obter en PDF o resgardo do ingreso efectuado pulsando o botón "Xustificante de Pagamento".

Unha vez realizada a operación e obtido o NRC como resposta non cómpre realizar máis accións.

Ten en conta que se o pagamento é por TPV, a Entidade Financeira non facilita o NRC.